Demokratët kërkojnë rikthimin e balotazhit për zgjedhjen e kryetarëve të Bashkive.
Një model i tillë parashikon q&eum...
AKTUALITET
Krismat në Ndroq, shoqërohet Sinani që u arrestua në gusht për kërcënimin e gazetarëve: Qëllova për qejf!
PiranjatPërditësimi i fundit 4 Tetor 2026, 11:26
Detaje të reja janë raportuar për të shtënat me armë të mbrëmjes së djeshme në fshatin Zbarqe të Ndroqit.
Katër personat e shoqëruar në polici mësohet se janë Sinan, Ramiz, Serxho dhe Dashamir Idrizi.
Sipas informacioneve të raportuara, bëhet fjalë për tre vëllezër dhe djalin e njërit prej tyre, të cilët ndodheshin së bashku duke ngrënë.
Njëri kishte me vete një armë gjahu dhe, para hetuesve, ka pretenduar se kishte qëlluar në ajër “për qejf”.
Po sipas këtyre informacioneve, kur shërbimet policore iu afruan banesës së Sinan Idrizit, personat e dyshuar kanë hedhur armët.
Deri tani, Policia ka konfirmuar gjetjen dhe sekuestrimin e një çifteje dhe municioni. Mbetet për t’u sqaruar nëse janë përdorur edhe armë të tjera.
Sinan Idrizi ishte arrestuar në fillim të gushtit, pasi dyshohej se kishte kërcënuar një grup xhirimi të Ora News, që po punonte për një kronikë televizive. Gjykata kishte caktuar ndaj tij masën e sigurisë “arrest në shtëpi”.
Në njoftimin paraprak të mbrëmjes së djeshme, Policia bëri të ditur se ndërhyrja pasoi një telefonatë në Sallën Operative të DVP Tiranë për të shtëna në zonë.
Katër personat u shoqëruan për verifikimin dhe sqarimin e rrethanave, ndërsa vijon puna për dokumentimin e plotë të ngjarjes.
