Një vatër zjarri është regjistruar pasditen e kësaj të diele pranë fshatit Humelicë në Gjirokastër.
Sipas i...
AKTUALITET
Kultivonin drogë në ndërtesa industriale në Spanjë, goditet banda shqiptare. 9 të arrestuar. Si nisën hetimet
PiranjatPërditësimi i fundit 13 Dhjetor 2025, 15:41
Autoritetet spanjolle kanë shkatërruar një grup kriminal shqiptar që merrej me kultivimin e marijuanës në provincën e Zaragozës. Në pranga u vunë 9 shqiptarë, të moshave 21 deri në 46 vjeç.
Sipas mediave spanjolle, në kuadër të operacionit të koduar RIOG, u kryen 8 kontrolle si dhe u sekuestruan më shumë se 20 kg marijuanë gati për shpërndarje dhe mbi 2 mijë bimë kanabis.
Rrjeti vepronte prej muajsh në depo industriale dhe banesa të shpërndara në disa komuna përreth Zaragozës, përfshirë Cuarte de Huerva, San Mateo de Gállego, La Puebla de Alfindén dhe Zuera. Plantacionet ishin të pajisura me teknologji të avancuar dhe masa të forta sigurie.
Autoritetet zbuluan gjithashtu lidhje të paligjshme me rrjetin elektrik, duke shkaktuar një dëm prej mbi 210,000 euro, sa konsumi vjetor i më shumë se 250 shtëpive.
Hetimi nisi në shtator të vitit 2024 nga Garda Civile e Casetas, pas dyshimeve për përdorimin e ndërtesave industriale për kultivim kanabisi. Edhe pse aktiviteti u ndërpre përkohësisht, rrjeti rifilloi operacionet në fund të verës, çka çoi në ndërhyrjen përfundimtare të autoriteteve.
Sipas hetimeve, organizata kishte një strukturë hierarkike të mirëorganizuar, me drejtues që menaxhonin logjistikën dhe financat, bashkëpunëtorë për transportin e materialeve dhe kujdestarë që jetonin brenda plantacioneve për t’i mbikëqyrur ato. Gjatë bastisjeve u sekuestruan gjithashtu para, telefona celularë dhe dokumente.
