Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
"Kur mungon shteti, rreziku hahet në heshtje!" Resuli: Sistemi i BE-së për ushqimin raportoi 5 raste jo konforme të produkteve me origjinë nga Shqipëria
M.B.Përditësimi i fundit 20 Maj 2025, 19:01
TIRANA- Presidenti i Urdhrit Veterinar, Ervin Resuli ka bërë një postim në rrjetet sociale ku thotë se ndërkohë që Shqipëria ishte nën ethet e një fushate zgjedhore njëmujore, sistemi i paralajmërimit të shpejtë të Bashkimit Europian për ushqimin (RASFF) raportoi 5 raste jo konforme të produkteve me origjinë nga Shqipëria, të cilat përbënin rrezik të drejtpërdrejtë për jetën dhe shëndetin e konsumatorit. Resuli shkruan se 2 prej tyre janë veçanërisht alarmante:
1. 14 maj 2025– Peshk ton shqiptar i konservuar, i eksportuar drejt Spanjës, u refuzua për mungesë të shenjës së identifikimit. Ky mungesë informacioni do të thotë se nuk dihet nga cili subjekt, në çfarë kushtesh është përpunuar dhe sa i gjurmueshëm është produkti. Rreziku etiketohet si “i mundshëm”, por pasojat mund të jenë fatale.
2. 2 maj 2025 – Gjermania raportoi prani të Salmonella spp. në një produkt barishtor (yarrow herb) me origjinë nga Shqipëria. Ky është një njoftim alarmi me klasifikim “serioz”, që do të thotë se ekspozimi i konsumatorëve ndaj këtij produkti mund të shkaktojë pasoja të rënda shëndetësore, veçanërisht për grupet e ndjeshme si fëmijët, të moshuarit apo personat me imunitet të dobët.
Gjithashtu Resuli shkruan se pavarësisht këtyre alarmimeve zyrtare ndërkombëtare, Autoriteti Kombëtar i Ushqimit (AKU) nuk ka bërë asnjë komunikim publik, nuk ka publikuar emrat e subjekteve, sasitë e ndaluara, as destinacionin final të këtyre produkteve. Sipas tij sot, nuk dihet nëse pas kthimit, këto produkte janë asgjësuar, janë magazinuar, apo janë futur sërish në treg për konsum nga qytetarët shqiptarë.
Postimi:
Kur mungon shteti, rreziku hahet në heshtje.
Ndërkohë që Shqipëria ishte nën ethet e një fushate zgjedhore njëmujore, sistemi i paralajmërimit të shpejtë të Bashkimit Europian për ushqimin (RASFF) raportoi pesë raste jo konforme të produkteve me origjinë nga Shqipëria, të cilat përbënin rrezik të drejtpërdrejtë për jetën dhe shëndetin e konsumatorit. Dy prej tyre janë veçanërisht alarmante:
1. 14 maj 2025 – Peshk ton shqiptar i konservuar, i eksportuar drejt Spanjës, u refuzua për mungesë të shenjës së identifikimit. Ky mungesë informacioni do të thotë se nuk dihet nga cili subjekt, në çfarë kushtesh është përpunuar dhe sa i gjurmueshëm është produkti. Rreziku etiketohet si “i mundshëm”, por pasojat mund të jenë fatale.
2. 2 maj 2025 – Gjermania raportoi prani të Salmonella spp. në një produkt barishtor (yarrow herb) me origjinë nga Shqipëria. Ky është një njoftim alarmi me klasifikim “serioz”, që do të thotë se ekspozimi i konsumatorëve ndaj këtij produkti mund të shkaktojë pasoja të rënda shëndetësore, veçanërisht për grupet e ndjeshme si fëmijët, të moshuarit apo personat me imunitet të dobët.
Pavarësisht këtyre alarmimeve zyrtare ndërkombëtare, Autoriteti Kombëtar i Ushqimit (AKU) nuk ka bërë asnjë komunikim publik, nuk ka publikuar emrat e subjekteve, sasitë e ndaluara, as destinacionin final të këtyre produkteve. Sot, nuk dihet nëse pas kthimit, këto produkte janë asgjësuar, janë magazinuar, apo janë futur sërish në treg për konsum nga qytetarët shqiptarë.
Është thjesht e trishtueshme dhe tragjike të konstatosh se përballë një rreziku real për shëndetin publik, institucionet përgjegjëse kanë zgjedhur heshtjen, ndërkohë që prioritet kanë pasur axhendat elektorale, vendet e punës, dhe pozicionimi individual përballë reformës që parashikon shkrirjen e AKU. Kur inspektorët janë në fushatë, kush mbron konsumatorin? Kur informacioni fshihet, kush ndalon rrezikun? Kur mungon gjurmueshmëria, kush mban përgjegjësi për jetën?
Ky nuk është vetëm një dështim i radhës. Ky është një alarm për reflektim kombëtar. Sot mund të jetë një barishtore ose një konservë peshku. Nesër mund të jetë një luleshtrydhe për fëmijë. Ose një mandarine me.pesticide . Ose një krizë e papërballueshme për sistemin shëndetësor. Nesër do të jetë vonë. Sot është koha për të vepruar.
