Teksa protesta kundër projektit në Zvërnec po hyn në ditën e saj të gjashtë dhe po merr përmasa kombëtare, kryemi...
AKTUALITET
Kur prokuroria zgjodhi të "zhytej" 3 vite pas alarmit të Piranjave vjen tragjedia e hidrovorit - 1 i vdekur dhe mijëra banesa nën ujë
PiranjatPërditësimi i fundit 8 Janar 2026, 17:02
U dëshën 3 vite pas denoncimit nga “Piranjat” që Prokuroria të merrte masa për hidrovurin e Porto Romanos, por kjo masë që duhet të merrej kohë më parë, sot ka sjellë pasoja të rënda, qindra banesa nën ujë. Raportohet se Prokuroria e Durrësit ka nisur hetimin, pas përmbytjes, ku si pasojë e kësa situate, sot u shënua edhe viktima e parë. Prokuroria po heton për veprën penale “shkatërrim i pronës përmes përmbytjes”.
Ajo ka dyshime se me 250 hektarë tokë dhe mbi 1000 familje janë përmbytur si pasojë e mosfunksionimit të Hidrovorit. Tenderi për ndërtimin e Hidrovorit të ri, me vlerë 19 mln euro u fitua nga bashkimi i kompanive 2T, Adriatik dhe vëllezerit Hysa.
Kompania Adriatik zotërohet nga Petrit Kovaçi në masën 50%. Ai është babai i Spartak Kovaçit, i cili rezulton të jetë ish-drejtor i Përgjithshëm i Ujësjellës Kanalizimeve. Ndërsa, kompania 2T zotërohet në masën 20% nga Artan Sako, vëllai i Gramoz Sakos, aktualisht kryetar i Bashkisë së Tepelenës. Ai ka qenë më herët drejtues i Gardës së Republikës.
Nga të dhënat e deritanishme, viktima i cili ishte punonjës i Ndërmarrjes Komunale Plazh ka shkuar në zonë për të verifikuar situatën e krijuar nga reshjet dhe vërshimet e ujit. Dyshohet se ai ka humbur jetën, pasi është marrë nga rrjedha e ujit./piranjat.news
