Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Kush e merr në dorë SPAK pas largimit të Dumanit? - KLP miraton listën me katër kandidaturat (EMRAT)
PiranjatPërditësimi i fundit 20 Tetor 2025, 10:42
Këshilli i Lartë i Prokurorisë, miratoi këtë të hënë, me 10 vota pro, katër kandidaturat për drejtimin e Prokurorisë së Posaçme. Vendimi erdhi pas një mbledhje që nisi në orën 10:00 dhe kishte si objektiv vlerësimin e kandidatëve për këtë pozicion të rëndësishëm.
Prokurori Zeqir Hodaj, i cili ishte një ndër anëtarët e KLP-së, nuk mori pjesë në votim për shkak të një problemi të mundshëm të konfliktit të interesit. Sipas raporteve të mediave, djali i tij është emëruar hetues financiar në SPAK, dhe Hodaj kërkoi kohë për të vlerësuar situatën dhe për t'u distancuar nga vendimi. "Unë nuk gjendem në kushtet e heqjes dorë nga kjo situatë," tha ai, duke kërkuar që procesi të ndodhte në mënyrë të rregullt ligjore dhe të mos merrej vendim pa praninë e tij.
Pas largimit të Hodajt, kryetari i komisionit të zhvillimit të karrierës në KLP, Sokol Stojani, prezantoi katër kandidatët që ishin propozuar për pozitat drejtuese në SPAK. Stojani theksoi se të katër kandidatët kishin paraqitur platformën e tyre dhe plotësonin të gjitha kushtet ligjore për të qenë të mundshëm për këtë pozicion, duke përfshirë mungesën e masave disiplinore. Ai tha se KLP propozonte miratimin e këtyre kandidatëve për të kaluar në fazën e intervistave publike.
Kandidatët në garë për kryeprokuror të SPAK janë, Adnan Xholi, Klodian Braho, Doloreza Musabelliu dhe Ervin Gogaj. Të gjithë këta janë pjesë e aktuale të strukturës së SPAK dhe do të kalojnë në fazën e intervistimit publik. Ky proces është i hapur dhe do të vlerësohet karriera e tyre, integriteti, aftësitë drejtuese dhe vizioni i tyre për të ardhmen e këtij institucioni të rëndësishëm.
