Kryetari i PD, Sali Berisha ka bërë përgjegjës Edi Ramën për krizën që ka shpërthyer në vend, me protesta ma...
AKTUALITET
Kush është njeriu i Ergys Agasit në Policinë e Shtetit
PiranjatPërditësimi i fundit 23 Prill 2026, 22:47
Në studion e MCN TV, gazetari Ferdiand Dervishi tha se Ergys Agasi mund ta ketë pasur shumë të lehtë të largohet nga Shqipëria ose të fshihet brenda vendit falë lidhjeve të tij në Policinë e Shtetit.
Një prej tyre është drejtoresha e Krimit Kibernetik, Ervina Gjana.
"Drejtoresha e Krimit Kibernetik e sjellë nga Ergys Agasi që del në dosjen e AKSHI-t dhe atë të TIMS është ende në punë. Është fiks aty ku të bëhet gjëma. Ky njeri e ka fare të thjeshtë të ikë jashtë dhe e ka po aq të thjeshtë të qëndrojë në Shqipëri edhe për ca kohë, sa të kuptohen gjërat.
Emri i drejtoreshës së Krimi Kibernetik lidhet me dosjen e AKSHI-t. Në nisje të hetimeve për këtë dosje, SPAK i sekuestroi asaj sendet personale, mes të cilave edhe celularin personal, 8 telefonë dhe 2 laptopë, që i përkisnin dhe bashkëshortit të saj, Renato Hristic, shoqërues i biznesmenit Ergys Agasi, i cili është shpallur në kërkim për të njëjtën dosje penale.
Emri i Gjanës del edhe në skandalin TIMS të vitit 2023, kur u grabit databaza me të dhënat e Policisë së Shtetit.
Në këtë rast u grabitën të dhëna për hyrje-daljet e personave në pikat kufitare, dokumentet biometrike, gjeneralitetet, ngjarjet kriminale, aksionet e policisë, dosjet hetimore, listat e personave të dyshuar për terrorizëm, personat në gjurmim dhe kërkim, targat dhe gjobat e automjeteve, si dhe komunikime e raporte sekrete mes policisë, drejtësisë, agjencive të sigurisë dhe partnerëve të huaj", tha ai.
Gazetari Elton Qyno, ka ngritur akuza të forta mbi funksionimin e skemave mashtruese përmes call center-ave dhe rolin e institucioneve shqiptare n&eum...
