Ford (F.N) po tërheq nga tregu 223,472 automjete në SHBA, për shkak të depozitave të karburantit që mund të kenë rrjed...
BOTA
350 kg kokainë me anije nga Brazili, goditet rrjeti i drogës në Turqi, 9 të arrestuar
PiranjatPërditësimi i fundit 13 Shtator 2026, 22:01
350 kg drogë janë gjetur në një anije të mbërritur nga Brazili në portin e Mersinit, në Turqi, ndërsa nëntë persona janë arrestuar si të dyshuar për përfshirje në trafikun e saj. Autoritetet konfirmuan se lënda narkotike e sekuestruar ishte kokainë.
Droga ishte ndarë në 12 pako të mëdha dhe ishte fshehur në trupin e anijes, poshtë vijës së ujit.
Sipas hetimeve, trafikantët dyshohet se kishin planifikuar ta nxirrnin kokainën nga anija me ndihmën e zhytësve. Gjatë kontrolleve u gjetën pajisje zhytjeje dhe skuterë nënujorë, që dyshohet se do të përdoreshin për transportimin e ngarkesës.
Pas nxjerrjes nga anija, 350 kilogramët e kokainës dyshohet se do të dërgoheshin drejt provincave perëndimore të Turqisë.
Ministri turk i Drejtësisë, Akin Gurlek, deklaroi se autoritetet do të vijojnë operacionet kundër trafikut të narkotikëve, duke theksuar se nuk do të ketë tolerancë ndaj trafikantëve dhe drejtuesve të rrjeteve të drogës.
Operacioni në Mersin vjen dy ditë pas arrestimit në Stamboll të Islam Jakut, i dyshuar si drejtues i një organizate ndërkombëtare të trafikut të drogës dhe i kërkuar që prej vitit 2017.
Sipas Gurlek, sekuestrimi i kokainës dhe arrestimi i nëntë personave përbëjnë një tjetër goditje të autoriteteve turke ndaj rrjeteve të trafikut të drogës.
