Pas deklaratave skandaloze të kreut të qeverisë shqiptare gjatë ditës së sotme, ka reaguar Partia Demokratike.
Sipas zëdh&...
AKTUALITET
Laert Haxhia i drejtohet Gjykatës Kushtetuese, kërkon rigjykim të çështjes: Më janë shkelur të drejtat
PiranjatPërditësimi i fundit 28 Shtator 2026, 12:58
I dënuari me burgim të përjetshmë Laert Haxhia i ka drejtuar një kërkesë Gjykatës Kushtetuese, ku i ka kërkuar rigjykim të çështjes. Ai pretendon se i janë shkeluar të drejtat dhe liritë themelore.
Vendimi i Gjykatës së Posaçme të Shkallës së Parë, që e dënoi me burgim të përjetshëm, u la në fuqi nga Gjykata e Posaçme e Apelit. Më 19 maj 2026, edhe Gjykata e Lartë vendosi mospranimin e rekursit të paraqitur nga Haxhiu. Ai është shpallur fajtor për “masakrën” e Lushnjës në 2017-ën, ndërsa nihet ndryshe si “rivali” i Aldo Bares.
Laert Haxhia është dënuar me burgim të përjetshëm për disa ngjarje kriminale, përfshirë vrasjen e Zamir Latifit dhe Jurgen Çelës në Lushnjë, si dhe akuza të tjera të rënda penale. Më 11 shtator 2017, në një lokal në qytetin e Lushnjes, Laert Haxhiu dhe Orges Bilbili hynë në lokalin ku ndodhej Zamir Latifi, Jurgen Hoxha, Xhulio Shkurti, për të ekzekutuar Shkurtin, pas dështimit të atentatit të vitit 2015. Shkurti ishte objektivi i kësaj masakre, i cili është nipi i Aldo Bares. Me automatik në krah ata hynë duke qëlluar dhe lanë të vdekur në vend dy të rinjtë, ndërsa Shkurti në këtë moment, ia doli që të shpëtonte pasi nuk ndodhej aty. Nga ngjarja mbetën të vdekur Zamir Latifi dhe Jurgen Hoxha, ndërsa u plagosën Marius Xhepexhiu, pronar i lokalit ku ndodheshin dy viktimat si dhe një kalimtar.
