Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
LAJMI I FUNDIT/ Ekzekutoi 2 persona në Shkodër, Ragip Gila izolohet në paraburgimin 302 në Tiranë
PiranjatPërditësimi i fundit 13 Shtator 2025, 20:26
Ragip Gila, autori atentatit me të vrarë dhe dy të plagosur në Shkodër është izoluar në paraburgimin 302 në Tiranë. Mësohet se 29-vjeçari për momentin po mbahet në qeli të veçantë, për arsye sigurie.
Kujtojmë se Ragip Gila është vendosur në pranga si autor i atentatit në Shkodër, ku u vra Armando Pali dhe Liridon Kraja, ndërsa u plagosën Erogen Vaso si edhe kamarieria Meri Kaceri, e cila ndodhej rastësisht në vendin e gabuar. Ndërsa dy persona të tjerë, Barush Bregu (Bajram Bregu) dhe një 17-vjeçar janë shpallur në kërkim si të përfshirë në krim.
Pas të shtënave, autori Ragip Gila u largua nga dera e pasme e lokalit ku kreu atentatin dhe braktisi motorin, duke ecur në këmbë për disa metra. Më pas, Gila ndaloi një qytetar dhe nën kërcënimin e armës i mori makinën BMW ngjyrë gri, me të cilën u largua me shpejtësi nëpër rrugët e qytetit.
Ngjarja ndodhi mëngjesin e së hënës në një lokal të frekuentuar në qendër të Shkodrës. I pajisur me armë zjarri – një pistoletë dhe një armë automatike “Scorpion” – si dhe i veshur me jelek antiplumb, Gila ka hyrë në ambientet e lokalit dhe ka hapur zjarr në drejtim të një tavoline ku ndodhej Erogen Brajoviç, një emër i njohur për lidhjet me fisin Bajri.
Si pasojë e të shtënave me breshëri, u vra truproja i Erogen Brajoviç, Liridon Kraja, si dhe shtetasi Armando Pali. Vetë Brajoviç mbeti i plagosur, ndërsa kamerierja 25-vjeçare, Meri Kaceri, u lëndua aksidentalisht gjatë shkëmbimit të zjarrit. Grupi hetimor ka sekuestruar armët e përdorura në vendngjarje dhe po vijon punën për të dokumentuar plotësisht rrethanat dhe motivet që çuan në këtë ngjarje të rëndë kriminale.
