Prej disa ditësh, krahas protestës kundër ndërtimeve në Zvërnec, zhvillohet edhe një betejë tjetër: beteja për...
AKTUALITET
"Largoni oligarkët nga toka jonë"/ Qytetarja në protestë: Rama dhe ministri i Brendshëm të japin dorëheqjen
PiranjatPërditësimi i fundit 1 Qershor 2026, 20:20
Një banore nga Rrjolli bëri thirrje gjatë tubimit masiv që të largojnë oligarkët nga toka e tyre. Gjatë fjalës së saj, ajo theksoi se nuk kanë nevojë as për Bashkim Ulajn, as për Shefqet Kastratin që të zhvillojnë tokën e të parëve. Ajo kërkoi dorëheqjen e kryeministrit Edi Rama, ministrit të Brendshëm Besfort Lamallari dhe ndalimin e projekteve që, sipas saj, po zhvillohen në interes të qytetarëve. Ajo theksoi ndër të tjera se shqiptarët nuk kanë nevojë për qeveri me oligarkë.
"Ne jemi mbledhur sot këtu për Zvërnecin, për Rrjollin dhe për të gjithë Shqipërinë. Unë jam nga Rrjolli dhe besoj se për katër muaj e keni parë të gjithë masakrën që na është bërë. Dhe kjo qeveri duhet t’i largojë oligarkët nga Rrjolli dhe nga Zvërneci. Nuk kemi nevojë as për Bashkim Ulajn, as për Shefqet Kastratin që të zhvillojnë tokën e të parëve tanë. Ne nuk kemi nevojë as për musketierët e tyre. E kemi mbrojtur prej shekujsh tokën tonë dhe do ta bëjmë edhe sot.
Kërkojmë dorëheqjen e kryeministrit, bashkë me të gjithë oligarkët që na tregojnë muskujt në tokat e gjyshërve tanë. Nuk na duhen as të fortët e Bashkim Ulajt, as të Shefqet Kastratit për të zhvilluar atë tokë. Shqipërinë nuk e mbrojnë grekët, sepse Shqipëria ka mjaft trima. Nuk jemi të grekut, sepse jemi shqiptarë.
Rama dhe ministri i Brendshëm duhet të kishin dhënë tashmë dorëheqjen. Me të gjithë këta qytetarë që ka poshtë zyrës së tij, ai duhet të kishte burrëri dhe të tërhiqej për ta lënë këtë vend ta zhvillojë rinia që është këtu. Nuk kemi nevojë për qeveri me oligarkë.
Ne nuk duhet të largohemi nga ky shesh pa u anuluar ligji i zonave të mbrojtura, Paketa e Maleve dhe ai i investitorit strategjik," tha banorja.
