Nga Lutfi Dervishi
Një protestë nuk është thjesht një listë akuzash ndaj pushtetit. Kur zgjat më shumë se një muaj...
AKTUALITET
Lëvizte me armë dhe radio policie në makinë, arrestohet i riu në Vlorë
PiranjatPërditësimi i fundit 4 Korrik 2026, 10:35
Policia e Vlorës ka finalizuar operacionin e koduar “Siguria”, i zhvilluar në kuadër të rritjes së parametrave të sigurisë dhe parandalimit të ngjarjeve kriminale.
Sipas njoftimit zyrtar, bazuar në informacione të siguruara në rrugë operative se një shtetas qarkullonte i armatosur në qytet, shërbimet e policisë organizuan ndërhyrjen dhe bënë të mundur arrestimin në flagrancë të një 32-vjeçari, E. M., banues në fshatin Peshkëpi.
Operacioni u zhvillua në lagjen “Lef Sallata”, ku i dyshuari u ndalua teksa lëvizte me një automjet tip “Audi”. Gjatë kontrollit të ushtruar në mjet, policia gjeti dhe sekuestroi një armë zjarri pistoletë, dy krehra me 22 fishekë luftarakë, një mbajtëse plastike me 18 fishekë, si dhe një radio të ngjashme me ato që përdor Policia e Shtetit.
Materialet procedurale i janë referuar Prokurorisë për veprime të mëtejshme, ndërsa ndaj tij rëndojnë veprat penale “Prodhimi dhe mbajtja pa leje e armëve luftarake dhe municionit” si dhe “Mbajtja pa të drejtë e uniformës”.
Finalizohet operacioni policor i koduar “Siguria”, për rritjen e parametrave të sigurisë dhe parandalimin e ngjarjeve kriminale.
Goditet një tjetër rast i armëmbajtjes pa leje.
Qarkullonte i armatosur me armë zjarri dhe me një radio të ngjashme me ato që përdor Policia e Shtetit, arrestohet 32-vjeçari.
Sekuestrohen një armë zjarri pistoletë, 40 fishekë luftarakë dhe një radio e ngjashme me ato të Policisë.
Shërbimet e Drejtorisë Vendore të Policisë Vlorë, në vijim të punës për evidentimin dhe goditjen e rasteve të armëmbajtjes pa leje, bazuar në informacionet e siguruara në rrugë operative se një shtetas qarkullonte i armatosur në qytetin e Vlorës, organizuan dhe finalizuan operacionin policor të koduar “Siguria”.
Si rezultat i operacionit, në lagjen “Lef Sallata”, u kap dhe u arrestua në flagrancë shtetasi E. M., 32 vjeç, banues në fshatin Peshkëpi.
Gjatë kontrollit të ushtruar në automjetin tip Audi, me të cilin ai qarkullonte, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 2 krehra me 22 fishekë luftarakë, një mbajtëse plastike me 18 fishekë luftarakë, si dhe një radio të ngjashme me ato që përdor Policia e Shtetit.
Materialet procedurale iu referuan Prokurorisë, për veprime të mëtejshme, për veprat penale “Prodhimi dhe mbajtja pa leje e armëve luftarake dhe e municionit” dhe “Mbajtja pa të drejtë e uniformës”.
