Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Mbetën në det të hapur, shpëtohen 5 turistë të huaj në Gjirin e Filikurit
PiranjatPërditësimi i fundit 13 Qershor 2026, 16:52
Pesë turistë të huaj janë shpëtuar nga Policia Kufitare e Himarës gjatë 24 orëve të fundit, pas dy incidenteve të ndodhura në Gjirin e Filikurit. Falë ndërhyrjes së shpejtë të efektivëve, katër turistë që kishin mbetur të bllokuar në det për shkak të motit të keq dhe një turiste australiane e dëmtuar fizikisht u lokalizuan dhe u evakuuan në kohë, duke shmangur pasoja më të rënda.
Njoftimi i policisë:
Në rastin e parë, katër turistë të huaj, dy shtetas suedezë dhe dy nga Mbretëria e Bashkuar, të cilët kishin dalë me kajak nga zona e Potamit në drejtim të Filikurit, humbën kontaktin me grupin dhe mbetën të bllokuar për shkak të erës së fortë dhe dallgëve. Pas njoftimit, shërbimet e Policisë Kufitare organizuan menjëherë kërkimet përgjatë vijës bregdetare dhe arritën t’i lokalizojnë pranë “Gurit të Kuq”. Turistët u evakuuan në mënyrë të sigurt
Në rastin e dytë, një shtetase australiane kërkoi ndihmë pasi kishte pësuar dëmtime fizike dhe ndodhej e bllokuar në Gjirin e Filikurit.
Menjëherë u angazhua mjeti lundrues i Policisë Kufitare, i cili bëri të mundur lokalizimin dhe transportimin e saj drejt Portit të Himarës, ku më pas u dërgua për trajtim mjekësor në spital.
Turistët falënderuan shërbimet e Policisë për reagimin e menjëhershëm dhe profesionalizmin e treguar. Policia Kufitare vijon të jetë e angazhuar maksimalisht në shërbim të qytetarëve, vizitorëve dhe turistëve dhe, në këtë kuadër, fton qytetarët që në rast nevoje të telefonojnë në numrin 112.
