Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Mbeti viktimë edhe vetë pas vrasjes së kamarierit, ja kush është Flori Paluçi që konsiderohej si person me rrezikshmeri të lartë në Itali
PiranjatPërditësimi i fundit 22 Tetor 2025, 13:18
Flori Paluçi, 33-vjeçari që u vra gjatë përplasjes së armatosur në Manzë, ku mbeti viktimë edhe kamarieri Aranit Kurti, nuk ishte një emër i panjohur për policinë. Sipas burimeve, ai është i njëjti person që në vitin 2015 u arrestua në Itali si pjesë e një bande të rrezikshme grabitësish të njohur si "banda e vrimave në mur".
Në shtator të vitit 2015, Paluçi ishte ndaluar nga Karabinierët gjatë operacionit "Argo", së bashku me gjashtë persona të tjerë, shumica nga Sicilia, të cilët kishin kryer një seri grabitjesh spektakolare në dyqane bizhuterishë dhe banesa, duke hapur vrima në muret e objekteve për të shmangur alarmet dhe kamerat e sigurisë.
Flori Paluçi dyshohej atëherë për rolin e tij në grupin kriminal, për sigurimin e strehimit dhe identifikimin e pikave të grabitjes. Ai konsiderohej asokohe si "shumë i rrezikshëm" nga autoritetet italiane dhe u hetua për bashkëpunim në disa raste të vjedhjeve.
Pas dënimit dhe kthimit në Shqipëri, duket se Paluçi nuk e kishte lënë pas të kaluarën kriminale, ku mëngjesin e kësaj të mërkure, ai vrau me armë zjarri kamarierin Aranit Kurti pas një konflikti banal, përpara se të qëllohej për vdekje nga Daniel Pepa.
Aktualisht, policia është në kërkim të Daniel Pepës, ndërkohë që hetimet për ngjarjen në Manzë vijojnë.
