Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
"Me qëllim për t’ia dërguar një të afërmi të tij", mashtroi një person dhe i mori një shumë të konsiderueshme parash, arrestohet 43-vjeçari në Dibër
M.B.Përditësimi i fundit 30 Gusht 2024, 12:07
DIBRA- Një 43-vjeçar në Dibër, i janë sekuestruar para me vlerë prej 1.200.00 lekësh pasi dyshohet se ia ka marrë nëpërmjet mashtrimit një personi tjetër. Mësohet se paratë iu morën me qëllim për t’ia dërguar një të afërmi të tij.
Gjatë kontrollit në automjetin e 43-vjeçarit, shërbimet e Policisë gjetën shumën e parave, të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Njoftimi:
I mori një shumë parash, me anë të mashtrimit, një shtetasi, kapet dhe vihet në pranga 43-vjeçari. Specialistët për Hetimin e Krimeve të DVP Dibër, si rezultat i veprimeve hetimore dhe operacionale që u kryen menjëherë pas kallëzimit të shtetasit R.D, se ishte mashtruar nga një shtetas, për dhënien e një shume parash, kanë organizuar punën dhe si rezultat kanë kapur dhe arrestuar në flagrancë autorin e dyshuar të rastit, shtetasin G.T., 43 vjeç, banues në fshatin Kastriot, Dibër.
Ky shtetas, dyshohet se nëpërmjet mashtrimit, i ka marrë një shumë parash me vlerë 1.200.000 lekë, shtetasit R.D., me qëllim për t’ja dërguar një të afërmi të tij.
Gjatë kontrollit në automjetin e 43-vjeçarit, shërbimet e Policisë gjetën shumën e parave, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
