Surpriza më e madhe e fazës në grupe të këtij Botërori është padyshim Meksika. Një nga tre vendet organizator...
AKTUALITET
“Më të rrezikshmit në Europë, pastrim parash në Shqipëri”/ Ja si e komenton Lamallari deklaratën e fortë të prokurorit italian
PiranjatPërditësimi i fundit 3 Prill 2026, 12:01
Ministri i Brendshëm, Besfort Lamallari në një dalje për mediat foli për çështjen e kriminalitetit në vend, rastet e dekonspirimeve në radhët e policisë si dhe për deklaratën e prokurorit italian Roberto Rossi.
Ky i fundit deklaroi se “mafia shqiptare është më e rrezikshme në Europë, paratë i pastrojnë në Shqipëri dhe kanë kontroll mbi strukturat institucionale”. Gjatë fjalës së tij, Lamallari tha se ka pasur raste të dekonspirimeve në radhët e policisë, ndërsa shtoi se janë marrë masat e nevojshme ligjore për ngjarje të tilla.
Po ashtu ai tha se termi ‘mafie’ nuk i përkon realitetit shqiptar, ndërsa shtoi se të tilla epitetet nuk i shërbejnë për mirë vendit.
“Fakti që unë raportova në parlament një rritje me 61% të evidentimit të veprave penale në fushën e krimit kibernetik, varet se si e interpreton, si rritje të forcës goditëse, apo rritje të kriminalitetit. Unë e di që ajo që kërkohet, është që të bëhet më shumë transparencë, të ketë më shumë personal, por nuk duhet të interpretohet sikur ka më shumë kriminalitet. Se nuk është ashtu. Sa i përket të shumëkërkuarve, raportohet se vitin e shkuar kemi pasur një rritje me 110 % të kapjes dhe vënies para drejtësisë të personave të kërkuar nga drejtësia. Nëse shkojmë me logjikën e parë, i bie kemi më shumë të kërkuar, por në fakt kjo është tregues i rritjes së forcës së goditjes. Sot shoh më shumë drejtësi, kur këta të shumëkërkuar vihen para drejtësie. Sa i përket elementit të dekonspirim, nuk mund ta mohoj që të ketë pasur raste të tilla. Por me rëndësi është që të çohet para drejtësisë çdo kush që ka dekonspiruar. Ka pasur disa raste, kur kam qenë dhe në ministrinë e Brendshme, kur punonjës të policisë kanë ndarë informacione të ndaluara me persona të inrkiminuara, masat kanë qenë të menjëhershme. Përjashtim nga radhët e policisë dhe çuarja para ligjit. S’do të toleroj raste të tilla.
Për pyetjen e tretë dua ta them me kuptim të plotë; përdoromi i termit ‘mafie’ mund të jetë shumë sensitiv, që shet për median, por nuk është korrekt. Pasi i referohemi ligjit shqiptar dhe atij ndërkombëtar, përdoret vetëm termi; grup i strukturuar kriminal. Termi mafie, vjen nga vendi fqinj, Italia, dhe ka elementë social-kulturor, si në rastin e Palermos. Termi mafie në përdorimin e termit shqiptar, është i gabuar. Termi më korrekt do të ishte rrjet kriminal. Përtej ndershmërisë apo etiketimeve që shesin në raportet akademike apo mediatike, nuk është korrekte. Sa i përket grupeve kriminale shqiptare që veprojnë me ato italiane apo të vendeve të rajonit dhe BE, janë njohur dhe nga autoritetet shqiptare dhe raportet e tjera ndërkombëtare. Por duhet të jemi të kujdesshëm me etiketime të tilla apo me postime që citohen sa i takon sigurisë së vendit. Ata që janë ekspertë e dinë se cilët janë termat korrektë. Duhet të jemi të kujdesshëm që mos të lejojmë të etiketohet Shqipëria dhe shqiptarët me të tilla epitete. Këto duhet t’i përkasin të shkuarës. Ashtu siç ka qytetarë nga e gjithë bota pjesë e krimit, ka dhe shumë shqiptarë të ndershëm, që arsimohen dhe punojnë në mënyrë të ndershme kudo.”, tha ai.
