Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
”Jam Mysliman”, Ben Blushi shpjegon romanin e ri në dy minuta: Është kundër fanatikëve
PiranjatPërditësimi i fundit 10 Nëntor 2025, 16:44
Shkrimtari Ben Blushi ka bërë një shpjegim për romanin e tij të ri ”Jam Mysliman”. Kjo vepër nuk është kundër myslimanëve, por i dedikohet myslimanëve shqiptarë, të cilët siç thotë Blushi, janë myslimanët më liberalë të botës. ””Jam Mysliman” nuk është kundër myslimanëve, është kundër fanatikëve. Kundër atyre që duan të kufizojnë liritë tona”, thotë Ben Blushi.
"Përshëndetje të gjithëve. Ditët e fundit kam marrë shumë mesazhe për romanin tim të ri, Jam mysliman. Disa prej tyre janë inkurajuese. Disa janë entuziaste e disa janë mosbesuese. Në disa raste, kopertina e këtij romani është kthyer në meme dhe kjo më pëlqen shumë. Disa prej këtyre memeve kam vendosur t'i postoj në faqen time në Facebook. Ato kanë shumë humor. Po për fat të keq, disa komente e disa meme janë shumë fyes. Unë i mirëkuptoj prapë të gjithë. Megjithatë, unë dua t'ju them diçka. Romani Jam mysliman nuk është kundër myslimanëve. Unë jetoj me myslimanë. Ata më rritën. Ata mësuan çfarë është mirë e çfarë është keq. Ata mësuan si të duan. Unë i dua të gjithë myslimanët.
Xhamia e myslimanëve që më rritën, ishte familja.
Zoti i tyre ishte dashuria. Feja e tyre ishte nderi. Unë jam po aq mysliman sa ata. Gjyshja ime ishte myslimane. Gjyshja e fëmijëve të mi është myslimane. Unë besoj se myslimanët shqiptarë janë myslimanët më liberalë në botë. Dhe ky libër i dedikohet pikërisht atyre. Romani Jam mysliman tregon jetën e një shkrimtari, i cili pasi shkoi në Mekë, u kthye mysliman. Po njëlloj si unë, edhe ai pa arrit në betejë me fanatikët, me radikalët, me ata që e kthejnë fenë në armë, me ata që i kthejnë besimtarët në ushtri, me ata që e detyrojnë zotin të duket si pushtues, me ata që fyejnë, me ata që ndalojnë dashurinë, me ata që mbulojnë bukurinë e grave me perde, me ata që janë kundër artit, kundër shkencës dhe kundër përparimit. Ky libër pra, nuk është kundër myslimanëve.
Jam mysliman është kundër fanatikëve. Kundër atyre që duan të kufizojnë liritë tona. Ai nuk është një trakt. Asnjë akuzë. Është vetëm një roman. E diçka në fund fare. Sa më shumë humor. Do t'i ripostoj të gjitha memet tuaja në faqen time në Facebook. Faleminderit shumë dhe ju pres në panairin e librit. Jam mysliman", shprehet ai.
