Kryetari i Partisë Demokratike, Sali Berisha, ka shpërthyer me akuza dhe fyerje ndaj deputetit socialist Blendi Klosi gjatë seancës plenar...
AKTUALITET
Mjegulla pushton Kukësin, kufizohet ndjeshëm shikueshmëria në qytet dhe në akset nacionale
PiranjatPërditësimi i fundit 6 Mars 2026, 09:11
Kukësi është zgjuar këtë mëngjes i mbuluar nga një shtresë e dendur mjegulle, e cila ka përfshirë qytetin dhe zonat përreth, duke kufizuar ndjeshëm fushëpamjen për qytetarët dhe drejtuesit e mjeteve.
Fenomeni vjen vetëm një ditë pasi rajoni u përfshi për rreth dy orë nga reshje të dendura shiu, të shoqëruara në disa zona edhe me breshër.
Mjegulla e dendur ka krijuar vështirësi në qarkullim, ndërsa nuk ka kursyer as akset nacionale në segmente të caktuara të rajonit verilindor, ku shikueshmëria është reduktuar ndjeshëm.
Autoritetet u bëjnë apel drejtuesve të automjeteve që të tregojnë kujdes të shtuar gjatë qarkullimit.
Përdorimi i dritave të mjegullës, ulja e shpejtësisë dhe rritja e përqendrimit nga drejtuesit dhe përdoruesit e rrugës janë disa nga udhëzimet kryesore për të shmangur aksidentet automobilistike.
Fenomeni i mjegullës është i zakonshëm për rajonin verilindor gjatë stinës së dimrit.
Veçanërisht në muajt dhjetor dhe janar, zonat e këtij rajoni përfshihen shpesh nga mjegulla në orët e para të ditës, duke krijuar herë pas here vështirësi në qarkullim dhe në jetën e përditshme të banorëve.
