Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
AKTUALITET
“Mjellma e zezë” ishte mesazh! Gazetarja Lala zbulon si e mori vesh Veliaj ekzistencën e urdhërarrestit! Ka pasur një tronditje në fytyrë...
b.zPërditësimi i fundit 15 Shkurt 2025, 18:49
Klodiana Lala
TIRANË - Gazetarja Klodiana Lala, ka komentuar këtë pasdite arrestimin e kryebashkiakut të Tiranës, Erion Veliaj.
E ftuar në emisionin “Kjo Javë” në News24, Lala ka treguar momentet e para se si e mori vesh lajmin e arrestimit të kryebashkiakut të Tiranës Erion Veliaj vetëm pak ditë më parë.
Ajo tregon se fillimisht ka qenë një burim ai i cili i ka komunikuar prezencën e oficerëve të BKH dhe efektivëve të policisë në zyrën e Veliajt, por në çastet e para ka qenë e paqartë nëse bëhej fjalë për arrestimin e kryebashkiakut apo një kontroll rutinë.
Lala shprehet se arrestimi i Veliajt është një nga rastet e goditjes së rëndësishme të Prokurorisë së Posaçme, pasi Veliaj është numri 2 i mazhorancës.
“Kemi qenë thuajse pjesa më e madhe e gazetarëve të kronikës në ambientet e jashtme të SPAK sepse prisnim të mbaronte një seancë për një kryebashkiak tjetër. Kam marrë nga një telefonatë nga një burim i besuar që më tha e agjentët e BKH dhe policia kishin zbarkuar në zyrën e kryetarit të Bashkisë Tiranë por nuk më konfirmoi për arrestim apo kontroll rutinë. Fakti që hetimet ishin intensifikuar dhe kishte veprime ditë pas dite, ne gazetarët ndjekim hap pas hapi ngjarjet dhe patjetër që pyesim burimet, komunikojmë dhe kuptojmë dinamikën si zhvillohen gjërat. Atë ditë më bëri përshtypje që një nga dy prokurorët e çështje, zoti Dado nuk kishte zbritur në gjykatë për asnjë nga çështje e tij, ishte vetëm për një çështje që u shty. Por duke qenë se prokurorët e posaçëm kanë ngarkesë u pa edhe si diçka që mund të ndodhte. Kjo është një nga rastet e goditjes së rëndësishme të Prokurorisë së Posaçme, është numri 2 i mazhorancës”, u shpreh ajo.
Më tej gazetarja ka treguar detaje nga momentet e para kur Veliaj mori vesh urdhërarrestin e lëshuar në emër të tij dhe më pas transferimit në bllokun e sigurisë te Mine Peza. Lala thotë se kur i është komunikuar urdhri ka pasur një tronditje dhe një shprehje nga një prej oficerëve, që nëse nuk na ndiqni menjëherë sipas procedurave, ne mund të veprojmë si në rastin e zotit Meta dhe Veliaj i ka ndjekur sigurisht.
“Në momentin që oficerët e BKH dhe efektivët policor i kanë shkuar në zyrë, Veliaj nuk ka qenë në dijeni për urdhërarrestin dhe në momentet e para i ka pritur i qetë. Kur i është komunikuar urdhri ka pasur një tronditje dhe një shprehje nga një prej oficerëve, ishte që nëse nuk na ndiqni menjëherë sipas procedurave, ne mund të veprojmë si në rastin e zotit Meta. Veliaj i ka ndjekur sigurisht. Është shoqëruar menjëherë në bllokun e sigurisë. Ka kërkuar vetëm libra. Mjellmën e zezë e ka dërguar një nga bashkëpunëtorët e tij, libër që nuk besoj se e ka mbaruar. Ishte një zgjedhje për të dërguar edhe disa mesazhe. Natën e parë ka takuar avokatin dhe i kanë dërguar ndërresat, rrobat që i dërgohen çdo personi që është nën hetim”, u shpreh ajo.
