Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
“Mund të falsifikojnë rezultatet”/ Zemra e Sulës, në Belgjikë për ADN – Motra: Dua kampion të kryej vetë analizën!
PiranjatPërditësimi i fundit 2 Tetor 2025, 08:53
Pas pesë vitesh zvarritje, autoritetet shqiptare kanë dërguar në një laborator privat në Belgjikë organin e zemrës që pretendohet se i përket Saimir Sulës, i cili humbi jetën gjatë pandemisë së koronavirusit në një spital në Spanjë, për analizën e ADN.
Zemra u soll nga Spanja në Shqipëri, por për faktin se ishte e vendosur në formalinë në vendin tonë nuk mund të kryhej analiza e AND-së që të mund të bëhej krahasimi me pas me profilin e nënës së saj dhe në këtë mënyrë të përcaktohej nëse zemra i përkiste Saimir Sulës apo ndonjë personi tjetër.
Për dy vite, zemra u mbajt në institutin e mjekësisë ligjore dhe vetëm këtë të mërkurë drejt Brukselit ka udhëtuar prokurorja e çështjes, një përfaqësuese e Ministrisë së Drejtësisë, si dhe motra e të ndjerit.
Majlinda Sula këmbëngul që të mund të ketë mundësinë të kryejë një analizë private, pasi thotë se ka humbur besimin tek autoritetet shqiptare.
Majlinda Sula pretendon se vëllai i saj Saimir humbi jetën si pasojë e dhunës së u ushtrua ndaj tij në spital në shtetin spanjoll. Mungesën e zemrës ajo e konstatoi kur solli në Shqipëri trupin e pajetë të vëllait të saj dhe para se ta varroste e dërgoi për atopsi pranë institutit të mjekësisë ligjore. Pas zbulimit tronditës Majlinda Sula bëri kallëzim penal në prokurorinë e Tiranës për trafik organesh.
