Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Rruga që “ha” vetëm para’/ 330 mijë euro për mirëmbajtjen e Qukës–Qafë Plloçë, pas ndërtimit që zgjati mbi 1 dekadë
PiranjatPërditësimi i fundit 1 Tetor 2025, 22:47
Tri javë pas hapjes për qarkullim të rrugës Qukës–Qafë Plloçë, Autoriteti Rrugor Shqiptar ka hapur një tender me shpejtësi. Një shumë prej rreth 330 mijë eurosh është akorduar nga Gentian Gjyli për mirëmbajtjen e 43 kilometrave, ndërtimi i të cilave zgjati për më shumë se 15 vite.
Por ajo që e bën më të diskutueshëm këtë tender është edhe afati, ose koha e pakët nga inaugurimi. Duket se, ARRSH-ja ka shpejtuar për të bërë këtë tender, duke e marrë në dorëzim të gjithë segmentin, megjithëse kontrata parashikon që duhet të kalojnë disa muaj. Duket se, me këtë veprim, fitues pritet të jenë firmat që e kanë ndërtuar.
Tashmë firmat private heqin çdo përgjegjësi nga bllokimet apo prishjet e mundshme, pavarësisht se ato duhet të veprojnë nëse vepra ka probleme. Ashtu siç ndodhi edhe në rrugën Korçë – Ersekë, ku një segment u shemb dhe ARRSH-ja akordoi miliona euro për t’a rregulluar. Askush nuk dëshiron një fat të tillë, pasi mund të rrezikohen kalimtarët.
Faksimile: Njoftimi i tenderit i ARRSH-së për mirëmbajtjen e segmentit Qukës–Qafë Plloçë
Sipas dokumenteve që disponon VoxNews, drejtori i ARRSH-së Gentian Gjyli ka hapu tenderin me objekt “mirëmbajtje me performancë e segmentit rrugor Qukës - Qafe Plloçë”. Fondi limit i kësaj procedure është 31.819.342 lekë pa TVSH, ose 328 mijë euro.
Kohëzgjatja e kontratës ose marrëveshjes kuadër për zbatimin e saj është 12 muaj, ndërkohë që hapja e zarfeve do të bëhet më datë 28 tetor. Sipas dokumenteve shoqëruese, gjatësia e segmentit është 43.3 kilometra, ndërkohë që kuota e kësaj rruge varion nga lartësia 420 m deri ne 1220 m mbi nivelin e detit.
Faksimile: ARRSH shkruan se në një pjesë të rrugës ka borë dhe ngrica në dimër
ARRSH shkruan se aksi rrugor Qukës – Qafë Plloçë është një aks i rëndësishëm kombëtar. Aq shumë i rëndësishëm ishte saqë ndërtimi zgjati plot 15 vite!
“Është pjesë e aksit kombëtar të Tiranë – Elbasan – Korçë që lidh një numër të madh fshatrash të zonës së Mokrës me pjesën tjetër të vendit. Rruga shtrihet në një terren të theksuar malor dhe kërkon mirëmbajtje dimërore” thuhet në dokumente. Sipas saj, nga kilometri i 25-të deri në të 40-tin dimri është më i ashpër me kohëzgjatje më të madhe.
“Reshjet e dëborës në këtë segment të këtij aksi janë intensive, me fenomene të ortekëve dhe kërkojnë përdorimin e borëpastruseve me shnek. Formimi i ngricave dhe akullit është fenomen sistematik dhe shqetësues për shkak të relievit dhe
pothuajse e gjithë rruga është në hije. Mirëmbajtja në këtë zonë bëhet më intensive dhe kërkon angazhim serioz me qëllim mbajtjen e aksit gjithmonë të hapur” vijon ARRSH.
Sipas institucioneve shtetërore, fatura financiare për ndërtimin ka arritur 270 milionë dollarë. Ky projekt ndërkohë parashikohej të përfundonte me kosto prej 150 milionë USD. E gjithë rruga ka një gjatësi prej rreth 43.3 km, e ndarë në 3 lote./vox
