Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
AKTUALITET
Ndezi zjarr për të djegur mbeturinat por flakët rrezikuan banesat, arrestohet 64-vjeçari tek Shkëmbi i Kavajës
S.BPërditësimi i fundit 30 Korrik 2024, 11:34
pamje nga ngjarja
DURRËS- Një 64-vjeçar është arrestuar ditën e sotme për zjarrvënie të qëllimshme tek Shkëmbi i Kavajës. Mësohet se J.F 64 vjeç, ka ndezur zjarr në pronën e tij për të djegur mbeturinat, por për pasojë flakët dolën jashtë kontrollit duke djegur sipërfaqe toke e duke rrezikuar banesat.
Ndaj 64-vjeçarit rëndon akuza për veprën penale “Shkatërrimi i pronës me zjarr".
Njoftimi i Policisë:
Durrës/Policia identifikon dhe vë në pranga një shtetas të dyshuar për zjarrvënie.
Nga zjarri që ndezi ky shtetas, në zonën e quajtur “Shkëmbi i Kavajës”, u rrezikuan banesat përreth dhe u dogj një sipërfaqe toke.
Si rezultat i hetimeve dhe veprimeve operacionale të menjëhershme, të kryera nga shërbimet e Policisë, me qëllim përcaktimin e autorësisë së zjarrvënieve, u arrestua shtetasi:
-J. F., 64 vjeç, banues në zonën e quajtur “Shkëmbi i Kavajës”, pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, janë rrezikuar banesa përreth, si dhe është djegur një sipërfaqe toke.
Ndërhyrja e menjëhershme e zjarrfikësve dhe shërbimeve të Policisë, mundësoi neutralizimin e flakëve dhe shpëtimin e banesave.
Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr".
Policia e Shtetit apelon për qytetarët që në asnjë rast të mos shkaktojnë zjarr, pasi reagimi i Policisë për arrestimin e autorëve do të jetë i menjëhershëm, konform parashikimeve të Kodit Penal për këtë krim.
