Flash:
AKTUALITET

"Në Shqipëri fëmijët që nuk dëgjojnë i quajnë budallenj, kështu ma quajtën edhe djalin tim", Beteja për të fituar implantin koklear falas

n.f Përditësimi i fundit 13 Gusht 2024, 21:21
"Në Shqipëri fëmijët që nuk dëgjojnë i
Foto ilustruese

TIRANË- Prindërit e Giselit, vetëm kur mbushi dy vjeç, e kuptuan se ai kishte problem me dëgjimin. Një vizitë në poliklinikë e Pogradecit, i përcolli ata për kontroll më të specilizuar në shërbimin ORL në spitalin qëndror Nënë Tereza në Tiranë. Mjekët konfirmuan frikën e tyre. Giseli vuante nga Hypoacusia.

Labirinthi i procedurave administrative dhe shëndetësore bëri që Giseli të mos përfitonte në kohën e duhur, aparatin që e garanton shteti, dhe që përmirëson dëgjimin e tij. Vetëm pas 7 vitesh  nga ardhja në jetë, pas një procesi gjyqësor administrativ dhe civil, drejtësia vendosi që mjekët ti  mundësonin pajisjen e dëgjimit, ose implantin koklear.  

Implanti koklear, ose ndryshe i njohur si veshi bionik, është një pajisje që mund t’ju rikthejë  dëgjimin fëmijëve, i cili në vetvete rekomandohet që të vendoset tek ta deri në moshën 4 vjeç. 

Në vitin 2012, ministri i Shëndetësisë në detyrë, Petrit Vasili shprehej se po rishikoheshin fondet  e buxhetit të shtetit për të mundësuar ndërhyrjen krirugjikale falas për fëmijët që nuk dëgjojnë. 

Zyrtarisht kjo u arrit në tetor të vitit 2020, ku për herë të parë në vendin tonë 5 fëmijë nga mosha  2 deri në 7 vjeç mundën të përfitonin nga kjo paketë me financim të plotë nga shteti. 

Nisur nga ky premtim, familja e Giselit pasi nuk gjeti zgjidhje për 2 vjet , ndërmori një betejë ligjore të përfaqësuar nga Komiteti Shqiptar i Helsinkit. 


Në themel të vet, padia e ngritur, bazohej në një Vendim të Këshillit të Ministrave, konkretisht  atij nr.308 (datë 21.05.2014), një akt i cili miraton një sërë paketash shëndetësore që financohen  nga shteti. 

Garantimi falas i shërbimit të implantit koklear është pjesë e kësaj VKM-je, konkretisht në shtojcën nr.5 të saj, ku shteti shqiptar merr përsipër mbulimin e gjithë procedurës. Kostoja totale e këtij shërbimi, sipas vendimit në fjalë, arrin vlerën 29 milionë lekë(të vjetra) duke përfshirë koston e aparatit 27 milionë lekë(të vjetra) plus interventimin kirurgjikal në shifrat 2 milionë lekë(të vjetra). 

Kjo paketë parimisht është ndërhyrja më e shtrenjtë që rimburson shteti ynë. Institucionet e ngarkuara janë Fondi i Sigurimit të Detyrueshëm të Kujdesit Shëndetësor,  Ministrisë së Shëndetësisë dhe Mbrojtjes Sociale dhe QSUT “Nënë Tereza”. 

Në pikën 6 të kësaj VKM-je thuhet se e gjithë procedura që nga buxhetimi e deri tek konsultat e  vizitat që duhet të kryejë fëmija përpara ndërhyrjes, janë të pasqyruara në Regjistrin Kombëtar të Paketave të Shërbimeve Shëndetësore. Ky regjistër administrohet nga Fondi i Sigurimit të Detyrueshëm të Kujdesit Shëndetësor.  

Në rastin e Giselit, ai ishte ekzaminuar për problemin që kishte, por Fondi nuk kishte përmbushur detyrimin administrativ. Pra Fondi ka në përgjegjësi vendimin e konsultës, formularin që tregon se fëmija kishte nevojë urgjente për këtë ndërhyrje dhe regjistrimin e të miturit në Regjistrin Kombëtar të Paketave. 

Nga ana tjetër, Ministrisa e Shëndetësisë dhe QSUT “Nënë Tereza” kanë detyrimin e gjetjes së implantit koklear dhe realizimit të ndërhyrjes kirurgjikale. Po edhe kësaj here, këto institucione nuk shfaqën vullnetin e tyre për kryerjen e ndërhyrjes kirurgjikale tek Giseli. Ashtu siç prindërit e tij u përballën me luftën  për t’i rikthyer fëmijës së tyre dëgjimin, në vendin tonë evidentohen raste të tjera të ngjashme. 

Historia e fëmijës së B.M është një prej tyre, e  cila dëshmon sërish një rrugëtim sfilitës përballë bluzave të bardha, ashtu si rasti i Giselit. 

B.M është mamaja e një fëmije(emrin e të cilit nuk po e  bëjmë publik për çështje kofidencialiteti), e cila thotë se në pranverën e vitit 2021 ju drejtua  mjekes pediatre për të kuptuar çfarë problemi kishte djali i saj i sapolindur. 

“Pas lindjes, me kalimin e javëve kuptoja që djali nuk reagonte nga zhurmat. Mjekja pediatre më  tha të prisja gjashtë muaj pasi në këto muaj fëmijët nuk reagojnë nga zhurmat.Pas gjashtë  muajsh, ju drejtuam ORL-së, ku mjekja më tha që duhet të vija përsëri pas një viti sepse sipas saj  djali mund të ishte autik. Fëmijët shurdh në spitale quhen ‘budallenj’, kështu ma kanë quajtur  djalin edhe në praninë time. Për këtë shkuam në Itali dhe pas vizitave atje, mësova se djali nuk  mund të dëgjonte dhe për pasojë nuk reagonte nga zhurmat.” -tregon nëna e fëmijës. 

Në historinë e fëmijës së B.M., përgjegjësinë apo tagrin ligjor për të vendosur diagnozën e  fëmijës e ka marrë mjeku pediatër. 

Pika 8 e udhëzimit nr.26, datë 07.11.2014 përcakton se: “Pacienti, pasi ka zbatuar sistemin e referimit kalon në konsultën e shërbimit përkatës. Konsulta  mjekësore e përbërë nga jo më pak se dy mjekë, merr vendimin që pacienti të përfitojë paketën  duke plotësuar dokumentat përkatës.” 

Pra, thënë shkurt do duhej që fëmija të ndiqej nga së paku  dy mjek. Pasi mësuan të vërtetën, çifti i prindërve u interesuan për  ndërhyrjen e implantit koklear, për të cilin mjekët i kishin  rekomanduar t’a bënin përpara kohës kur djali të bënte dy vjeç. 

“Kur kuptuam që djali nuk dëgjonte, u interesova për  implantin koklear. Përpara ndërhyrjes djali duhet të bënte  rezonancën magnetike, por mjeku përgjegjës thjesht na tha;  ‘Nuk dua t’jua bëj, nuk më bie mendja kush jeni’. Pas shumë  vajtje-ardhjesh dhe pa asnjë zgjidhje,qoftë nga Fondi, qoftë nga spitali, shkuam në Gjermani dhe e kryem ndërhyrjen atje falas.” -shprehet nwna e vogwlushit. 

Ashtu si historia që rrëfyem në nisje të këtij artikulli, edhe në këtë rast ajo që thuhet në letër nuk  zbatohet në praktikë. 

Nisur nga ajo ç’ka kemi rrëfyer më lartë, ju drejtuam me një kërkesë për informacion Fondit për  të mësuar se sa është numri i fëmijëve që kanë pasur nevojë për këtë shërbim në katër vitet e  fundit, sa prej tyre e kanë marrë këtë shërbim dhe se si është menaxhuar buxheti për këtë paketë. 

Për pyetjen e parë, na thuhet se FSDKSH nuk disponon dhe nuk administron listën fëmijëve të  regjistruar, që kanë pasur nevojë për të marrë këtë paketë. 

“Në lidhje me pyetjen sa është numri i fëmijëve të regjistruar në listën e pritjes pranë QSUT-së për kryerjen e procedurës së impantit koklear për vitet 2020, 2021, 2022, 2023 ju informojmë se lista e pritjes për kryerjen e procedurës së implantit koklear administrohet nga Shërbimi i ORL së pranë Qendrës Spitalore Universitare ‘Nënë Tereza’.” -shprehet Fondi në kthim-përgjigje. 

Në fakt ligji thotë ndryshe,  përgjegjësia nuk bie mbi ORL, por  është Fondi ai që administron  Regjistrin Kombëtar të Paketave  Shëndetësore. Që nga nga buxhetimi  e deri tek konsultat e vizitat që duhet të kryejë fëmija përpara ndërhyrjes janë të pasqyruara në këtë regjistër. 

Pra administrimi i listave kryhet si fillim nga Fondi përmes Regjistrit Kombëtar, më pas kjo listë merret në Shqyrtim nga O.R.L. Ky i fundit ngarkohet vetëm me përgjegjësinë për vizitat dhe  ekzaminimet e pacientëve. 

Lidhur me pyetjen e dytë, se sa është vlera e miratuar nga Fondi i Sigurimit të Kujdesit  Shëndetësor për kryerjen e kësaj procedure që nga viti 2020 deri në vitin 2023, përgjigjia që morëm ishte kjo: 

“Në lidhje me pyetjen sa është vlera financiare e miratuar nga Fondi i Sigurimit të Detyrueshëm  të Kujdesit Shëndetësor për kryerjen e procedurës së implantit koklear për fëmijë me probleme te  dëgjimit për vitet 2020, 2021, 2022 dhe 2023, ju informojmë se janë shërbimet spitalore ofrojnë paketat e shërbimeve shëndetësore të miratuara me vendim të Këshillit të Ministrave nr. 308,  datë 21.05.2014, "Për miratimin e paketave të shërbimeve shëndetësore në shërbimin spitalor" të ndryshuar, brenda buxhetit vjetor të miratuar.” 

Pra Fondi, lë të nënkuptohet që përgjegjës për administrimin e buxhetit janë spitalet. Mirëpo  edhe këtë herë bie në kundërshtim me ligjin. Kjo sepse spitalet ngarkohen vetëm me përgjegjësinë për sigurimin dhe vendosjen  kirurgjikale të aparaturës së implantit koklear, sipas standardeve të BE, tek i mituri. 

Pagesat e paketave të shërbimeve spitalore, në këtë rast implantit koklear, bëhen nga Fondi, sipas  shtojcës nr.2 të vendimit nr.26, datë 07.11.2014. Vendimi sqaron se një fond jo më i madh se 10% e buxhetit vjetor për shërbimet spitalore  mbahet nga Fondi, për t’ua rishpëndarë spitaleve gjatë vitit për pagesat e paketave të shërbimeve(përfshirë implantin koklear). 

Sa i takon numrit të fëmijëve që kanë mundur të marrin këtë shërbim që nga viti 2020 e deri më sot Fondi ndan të dhënat, në akordancë me shërbimin O.R.L, përmes kësaj tabele, ku në total për  5 vite kanë mundur të kryejnë 32 ndërhyrje. 

Viti 
Numri i perfituesve të paketës shendetesore  sipas viteve
2020 
5
2021 
15
2022 
12
2023 
2
2024 
2 (6 mujori i parë)


“Në pergjigje të kërkesës për informacion, prot nr. 257/3 i joni dt 18.01.2024, ju informojmë se  në shërbimin ORL, QSUNT nuk ka listë pritjeje për implantim.”-në thotë shërbimi i O.R.L-së.

Shifrat tregojnë se numri i ndërhyrjeve është shumë i ulët, nëse marrim parasysh faktin që në vendin tonë në çdo 1000 lindje, shtohen 1 deri në 2 fëmijë që nuk dëgjojnë prej ditës së parë kur vijnë në jetë. Pa llogaritur ata që ky problem ju shfaqet në muajt ose vitet më pas. 

Përmes këtyre kthim-përgjigjesh nga Fondi, sërish vihet në pah shkarkimi i përgjegjësisë nga ky  autoritet publik drejt shërbimit spitalor. 

Dy eksperiencat e familjeve të sipërpërmendura janë një copëz e tablosë së realitetit shqiptar, që i  vendos prindërit e këtyre fëmijëve në një udhëkryq me dy opsione zgjedhjesh. 

Të zgjedhin rrugën e B.M, e cila trokiti në dyert e spitaleve të një shteti tjetër. Ose të ndjekin  rrugën ligjore ashtu si familja e Giselit. 

Giseli, jo vetëm që nuk e mori shërbimin në kohën e duhur, por për shkak të zvarritjes me  kalimin e kohës problemi në dëgjim u shtua, e rrjedhimisht shfaqi probleme edhe në të folur. I mituri,në bashkëpunim me përfaqësuesit ligjor të Komitetit Shqiptar të Helsinkit mundën t’a fitonin gjyqin . 

Fatmirësisht të treja instancat, pra Fondi, Ministria e Shëndetësisë dhe QSUT “Nënë Tereza” ja  mundësuan implantin koklear të miturit. 

Gjithashtu për shkak të problemeve që Giseli shfaqi edhe në të folur, u gjobitën me masën  6.838.590 lekë(tëreja) për dëmin e shkaktuar. Nëse nuk do të ishte për organizatën që e  asistuan familjen e tij për ta ndjekur këtë  rast, nuk dihet nëse do ishte arritur një zgjidhje për problemin e fëmijës./ Marrë nga ZËRI

probleme me degjimin hypoacusia implanti koklear

Artikuj te sugjeruar

video

PIRANJAT SHOW - SEZONI 9 EPISODI 16

PIRANJAT SHOW - SEZONI 9 EPISODI 16

Gruaja me dy identitete që premton “shërim” me ujin e kufomave në Pejë

A ka Shqipëria një Nicola Gratteri?

Katër nëna në kërkim të fëmijeve/ Bisedat që zbuluan rrjetin e errët

Flamur Gjuzi, i dënuar për"shpërdorim detyre" sot drejtor i Policisë Bashkiake, sërish shkel ligjin?

Pallatet u zhytën“Durrës Marina" dhe Autoriteti Portual bëjnë veprimin e papritur përballë skandalit

Ekskluzive/ Nicola Gratteri çmonton skemën e pastrimit të parave të ndërtimit në Tiranë

PIRANJAT SHOW - SEZONI 9 EPISODI 15

Enkel Demi duke luftuar paragjykimet për shqiptarët. (kamera e fshehtë)

Milva Ekonomi i firmosi miliona euro Vilma Nushit, kjo e fundit i investoi te kulla e Ervin Matës

Ajo çfarë mund të na mësojë Kosova.

Laboratorë “copy-paste”/ I njëjti mjek firmos analiza në disa pika, skema që ngre pikëpyetje

Rrjeti i ‘errët’ i vajzave të zhdukura! Bisedat tronditëse si funksiononte grupi.

Bleu 300 m2 tokë në vitin 2004, kthehet nga emigrimi dhe gjen aty vilë 3-katëshe.

“Na detyruan nga Dubai”/ Konstruktori i Durrës Marina zbulon pse u zhytën pallatet

Drejtori që tregon sjellje të pahijshme me nxënësen: Jam i fortë edhe në parti

PIRANJAT SHOW - SEZONI 9 EPISODI 14

Turisti zemërgjerë nga Italia dhe patatinat falas

Aksidentet “pushtojnë” oborrin e familjes në Klos, banori: Një ditë do ndodhë tragjedi

Lidhja jashtëmartesore që përfundoi në makth /32-vjeçarja rrëfen shantazhin me video intime

Sherr në terminalin e Peshkopisë, shoferi: Mos më vidh pasagjerët! Shko ha bukë te pjesa jote

Artisti dhe Frika

Si u kthye në urrejtje dashuria mes ish-bashkëshortëve dhe ‘lufta’ për 200 mijë euro!

14-vjeçare me dr*gë dhepro*titucion, rrjeti i errët i minoreneve të zhdukura

Zhytja e pallateve te Alabarit/ IKMT pranon anomalitë në “Durrës Marina”: Janë zhytur 28 cm

"Ederlezi", festa e veçantë e komunitetit rom.

PIRANJAT SHOW - SEZONI 9 EPISODI 13

Do t’i fus duart edhe nëse bërtet, motra e 13 vjeçares rrëfen tmerrin e mesazheve që mësuesi ia çon

“Inspektori gjobëvënës” i bashkisë terrorizon qytetarët

Pagat e mohura të druvarëve në Navaricë! Miliona lekë për të marrë dhe kërcënime

Rruga Thumanë–Kashar/ 1 miliard euro dhe “5 lekëshi” që po merret nga xhepat e qytetarëve

Me viza turistike ose kontrata futbolli drejt Europës/ Kush fshihet pas skemës së trafikimit?

Nënat denoncojnë ikjet nga shtëpia dhe jetën e dyshimtë të adoleshentëve

Për mediat dhe fëmijët

PIRANJAT SHOW - SEZONI 9 EPISODI 12

Muzikanti i rruges “vjedh” koleget. Banka e fundit

Dajak për 50 metra rrugë në Dibër, kushërinjtë në ’luftë’ për pronën.

Fisnik Syla, “BAMIRËS” apo shantazhues

A janë "idiotë "shqiptarët e Maqedonisë së Veriut? Çfarë do të thoshte Arbën Xhaferraj?

Presidenti i FSHP reagon për deklaratat e Erkand Qerimaj: Lajthita atëherë, tani kam reflektuar

Nga jetimorja te humbja e kujdestarisë. Rrëfen nëna që kërkon bashkimin me vajzën pas 13 vitesh

Tigrat e Vlorës: energjia që prodhohet 6 herë më shtrenjtë se sa shitet.

Skandali i zhytjes së pallateve në Durrës Marina / Ndërhyn IKMT.

PIRANJAT SHOW - SEZONI 9 EPISODI 11

Dhjetëra punonjës fasonerie pa marrë pagat: Blerimi mori lekët dhe u zhduk! Pronari premton zgjidhje

Hapet filial i bankës turke në “zemër” të Bllokut, reklamat vendosen pa leje

Energji për brezin tim

Nga ‘Viola’ tek Dorina: Si përfundoi në borxh një histori dashurie në distancë

Firma “Trade Minerals Al” po shkatërron mjedisin dhe infrastrukturën e fshatit Gjegjan në Kukës

Nga shpërthimi i drejtorit te prapaskenat e ushqimit në institucionin privat në Elbasan

SHKO NE YOUTUBE
Na ndiqni edhe në
KONTAKT TE DHENAT PERSONALE COOKIES