Grupi Parlamentar i Partisë Demokratike ka kërkuar zhvillimin e një mocioni me debat mbi raportin e Komisionit Evropian për Shqipërin...
AKTUALITET
Nëna e saj ishte në detyrë në spital natën fatale, miku i 19-vjeçares shqiptare: E pa fëmijën e saj të vdekur
PiranjatPërditësimi i fundit 16 Prill 2026, 21:16
Mediat greke kanë publikuar detaje të reja lidhur me vdekjen tragjike të 19-vjeçares shqiptare të identifikuar si Myrto dy ditë më parë në Kefalonia.
Një nga miqtë e dashur të Myrtos tha për Protothema se ajo ishte një vajzë plot mirësi dhe butësi. “Kështu do ta kujtojmë me buzëqeshje”, thotë ai, ende i paaftë ta besojë humbjen dhe zbulon ironinë tragjike me nënën e 19-vjeçares.
Miku i 19-vjeçares tha se nëna e Myrtos, e cila punon si infermiere me kohë të plotë në spitalin e Kefalonisë, u thirr në urgjencën e spitalit natën fatale pa e ditur se çfarë do të haste. Atje, ajo u përball me pamjen më mizore, duke parë vajzën e saj të vdekur.
Njollat e gjakut në mur dhe peshqirë janë provat e para të mbledhura nga autoritetet nga dhoma e hotelit me qira në Kefalonia, ku 19-vjeçarja Myrto po qëndronte përpara se të braktisej në një shesh në Argostoli dhe të humbiste jetën.
Tre persona (22, 23 dhe 26 vjeç) janë arrestuar në lidhje me rastin, të cilët është konfirmuar se kanë qenë me të në orët para dhe e kanë lënë pa ndjenja në shesh pasi kanë përdorur kokainë.
Sipas informacioneve, vajza fatkeqe shkoi në një hotel në Argostoli rreth orës 12 të natës së së hënës me të dashurin e saj 23-vjeçar. Rreth orës 2 të mëngjesit, i riu dyshohet se i kërkoi të përdorte kokainë. Më pas ata telefonuan ish-peshëngritësin 26-vjeçar, i cili solli drogën dhe e përdori me vete.
Pas një ore, 26-vjeçari u largua dhe u kthye me një sasi të re kokaine. 22-vjeçari shqiptar shkoi me të në hotel për herë të dytë, i cili sipas burimeve policore nuk përdori drogë.
Më pas, 19-vjeçarja me sa duket nuk e duroi dot dhe humbi ndjenjat. Sipas të dhënave të deritanishme, tre të rinjtë dyshohet se e çuan atë pa ndjenja në shesh dhe më pas e braktisën në vendngjarje. Pak kohë më vonë, ekipet e shpëtimit të EKAB e gjetën dhe e transportuan në spitalin e ishullit, ku ajo u shpall e vdekur.
