Ndizen akoma më fort sistemet e alarmit te Norvegjia teksa bëhet gati për sfidën historike me Anglinë në çerekfinale t&eu...
AKTUALITET
Nga bashkëjetesa në një çati me vjehrrën, te puna e ish-bashkëshortes/ Burri rrëfen historinë e vështirë të divorcit: I thanë fëmijës do të të rrëmbejë babi
PiranjatPërditësimi i fundit 9 Korrik 2026, 12:55
Ditën e sotme, në studion e emisionit “Me Zemër të Hapur”, të autores dhe modratores Evis Ahmeti është trajtuar historia e një çifti, rrugët e të cilëve u ndanë me divorc, por jo edhe konfliktet që vazhdojnë të rëndojnë jetën e tyre. Kur një martesë përfundon, shpesh mendohet se mbyllet edhe kapitulli i përplasjeve. Por për shumë familje, ndarja ligjore nuk sjell fundin e dhimbjes. Përkundrazi, ajo shndërrohet në fillimin e një beteje të re, ku në mes mbeten fëmijët, të cilët pa dëshirën e tyre bëhen pjesë e konfliktit të prindërve. Në rrëfimin e tij, ish-bashkëshorti pretendon se pas divorcit marrëdhënia me ish-bashkëshorten është përkeqësuar vazhdimisht. Ai shprehet se nuk i është dhënë mundësia të takojë fëmijën e tij, ndërsa pohon se detyrimin financiar për ushqimin e fëmijës e ka përmbushur, por dorazi, duke mos pasur dokumente që ta provojnë këtë. Nga ana tjetër, mosmarrëveshjet mes ish-bashkëshortëve kanë sjellë akuza, kundërshtime dhe interpretime të ndryshme mbi të vërtetën, duke e bërë edhe më të vështirë komunikimin mes tyre.
“Nga 2018-2021 gjithçka ishte mirë. Në përfundim të 2020 ajo vendosi të hynte në një punë që unë nuk doja, sepse ajo do të punonte tek një person që sapo kishte shkatërruar një familje. Ajo nuk donte të punonte në biznesin tonë, i thashë 300 mijë t’i jap uunë ti vetëm rrit djalin.
Në atë zonë u bë problem për këtë pjesë sepse thoshin që gruaja jote punon tek ai s’e ke marrë vesh? Unë nuk e akuzoj ish-bashkëshorten për tradhti, por nuk sillej si më parë, më solli dhe nënën e saj që të mbante djalin. Nuk mund të jetonte dhe vjehrra dhe babai im në të njëjtën shtëpi. Kur jemi lidhur në fillim i kam thënë që unë jetoj me prindërit dhe gjithçka që kanë ata e kemi ne, i thashë që nëna e saj të rrinte në shtëpi dhe i çojmë ushqim atje. Babai i saj kishte 8 vite që nuk vinte në Shqipëri. Pastaj nisi konflikti me ish-vjehrrën. Qëndroi tre muaj në shtëpinë tonë ndërkohë që jetonim në një garsoniere. I thashë bashkëshortes ose me mua ose me mamanë. Bashkëshortja zgjodhi nënën dhe mori edhe djalin. Kërkesën e bëri ajo, bëri padi se unë kisha ushtruar dhunë. Denoncimin e ka bërë ish-vjehrra, nga dhunë fizike e kthyen në psikologjike. I kërkova llogari pse nuk më sillte fëmijën për ta takuar dhe e kapa nga dora. Kur shkuam në gjyaktë thashë të kërkojmë videon e lokalit. Iu dha urdhër mbrojtjeje dhe kjo bëri që unë të mos afrohem te fëmija im. Gjyakata e Apelit në Durrës më dha vendim të takoja fëmijën çdo të shtunë dhe ta ktheja të dielën për një vit që zgjaste urdhri i mbrojtjes. Nuk më lejoi të merrja fëmijën tha s’ke për ta marrë. Ish-vjehrra i tha fëmijës që do të të rrëmbejë babi”, tha ai.
