Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Nga burimi në rubinet/ Ujësjellësi shpërndan ndryshk, jo siguri
PiranjatPërditësimi i fundit 2 Tetor 2025, 16:06
Në fshatin Radat, të Dropullit, një nga zonat që pritej të përfitonte nga rrjeti i ri i ujësjellësit, depozita e ujit të pijshëm ndodhet në një gjendje të mjerueshme. E mbuluar nga dheu dhe beton i shkatërruar, e pa rrethuar, ajo është e ekspozuar plotësisht ndaj ndotjes dhe dëmtimeve të mundshme. Mungesa e çdo mase sigurie dhe mirëmbajtjeje për këtë strukturë, e bën atë jo vetëm të papërdorshme, por edhe një rrezik serioz për shëndetin e qytetarëve
E njëjta situatë e rëndë paraqitet edhe në fshatin Peshkëpi e Poshtme, ku depoja e ujit është lënë në mëshirë të fatit. E pambrojtur, pa ndonjë kontroll fizik, dhe e aksesueshme për këdo, kjo depo paraqet një kërcënim për banorët e zones, pasi paraqitet si një burim infeksionesh dhe sëmundjesh.
Ndërsa vetëm disa muaj më pare u tha se nga rrjeti i ri i ujësjellësit do të përfitojnë 20 fshatra të Bashkisë së Dropullit, me 12 prej tyre në Dropullin e Poshtëm, të cilët faktikisht nuk kanë akses në ujë të rrjedhshëm dhe 8 të Dropullit të Sipërm, ku situata në terren duket ndryshe. Tuba të vendosur por të shkatërruar, punime të papërfunduara dhe mungesë funksionaliteti, karakterizojnë projektin që në letër synonte furnizimin 24 orë me ujë të pijshëm për mijëra banorë.
Kujtojmë këtu që minoriteti grek që jeton në këto zona ka vuajtur për shumë vite nga mungesa e ujit të pijshëm dhe kishte shpresuar se ky investim shumëvjeçar do të ishte zgjidhja përfundimtare. Megjithatë, situata aktuale tregon qartë se si janë menaxhuar fondet dhe zbatimi i projektit në terren.
