Nga dhuna ndaj ish-të dashurës tek vjedhja, arrestohen katër persona në kryeqytet

foto ilustruese

TIRANË- Arrestohen katër persona dhe shpallet në kërkim një tjetër në Tiranë. Mësohet se katër persona janë arrestuar për veprat penale: vjedhja e një biçiklete, dhuna ndaj ish-të dashurës si dhe drejtimi i automjetit në gjendje të dehur.

Ndërkohë është shpallur në kërkim 62-vjeçari A.Xh i cili është me probleme të shëndetit mendor , pasi ka dëmtuar disa fshirëse xhamash nga makinat e parkuara.

Njoftimi i Policisë:

Tiranë/Arrestohen 4 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 1 arrestuan shtetasit S. K., 35 vjeç dhe E. P., 20 vjeç, të dy banues në Tiranë, pasi në bashkëpunim me njëri-tjetrin, dyshohet se i kanë vjedhur biçikletën një shtetasi. Nga veprimet hetimore të kryera dyshohet se këta shtetas janë autorë të dy vjedhjeve të ndodhura ditëve të fundit (1 vjedhje celulari dhe 1 vjedhje laptopi).  

Specialistët për Hetimin e Krimeve të Komisariatit të Policisë Nr. 2 arrestuan shtetasin K. P., 20 vjeç, banues në Tiranë, pasi dyshohet se ka ushtruar dhunë ndaj ish të dashurës së tij.

Specialistët e Komisariatit të Policisë Rrugore Tiranë arrestuan shtetasin Sh. K., 39 vjeç, banues në Tiranë, pasi automjeti që e drejtonte në gjendje të dehur, është përplasur me një automjet tjetër, me pasojë vetëm dëme materiale.

Specialistët për Hetimin e Krimeve të Komisariatit të Policisë Nr. 3 kanë referuar materialet në Prokurori dhe po punojnë për kapjen e shtetasit A. Xh., 62 vjeç, banues në Tiranë (me probleme të shëndetit mendor). Ky shtetas dyshohet se ka dëmtuar fshirëset e xhamave të disa automjeteve të parkuara në rrugën "Kastriotët".

tirane