Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Një i plagosur me armë zjarri dhe tjetri me sende të forta, policia zbardh detaje nga të shtënat në Vorë
PiranjatPërditësimi i fundit 16 Tetor 2025, 14:59
Një ngjarje e rëndë ka ndodhur rreth mesditës së kësaj të enjte, tek mbikalimi i Domjes, në Vorë, ku dy të rinj janë plagosur pas një konflikti të çastit për motive të dobëta.
Njëri prej të rinjve është plagosur me armë zjarri në këmbë, dhe aktualisht ndodhet në spital jashtë rrezikut për jetën. I dyti ka pësuar dëmtime nga goditje me sende të forta dhe po merr mjekim në spital, gjithashtu jashtë rrezikut për jetën.
Sipas njoftimit të policisë, janë ngritur pika kontrolli në hyrje dhe dalje të kryeqytetit.
Njoftimi i policisë:
Vorë/Informacion paraprak
Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën.
Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit.
