Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Pronat e Ushtrisë/ SPAK dhe BKH bastisin zyrën dhe banesën e biznesmenit Artan Dulaku
PiranjatPërditësimi i fundit 16 Tetor 2025, 14:12
SPAK-ut dhe BKH-së kanë kryer kontrolle në pronat dhe bizneset e Artan Dulakut bosit të ndërtimit dhe medias. Burime bëjnë me dije se ky hetim lidhet me pronat e Ushtrisë, konkretisht me portin e Limionit në Sarandë.
Operacioni është ende në vijim, ndërsa SPAK ka bindur gjykatën se kontrolli ishte i domosdoshëm për të siguruar prova mbi përfshirjen në manipulimin e kontratës për marrjen në përdorim të portit ushtarak.
Ky operacion vijon, ndërsa kontrolle përfshijnë edhe disa zyrtar dhe ish zyrtar të vendit. Kontrolle janë ushtruar edhe ndaj administratorit të MARINA BAY SARANDA, Genard Kastrati.
Si nisi?
Kujtojmë se një muaj më parë një material filmik ku gjeneralë të Ushtrisë Shqiptare, janë përgjuar teksa diskutojnë në një mbledhje vendimmarrëse për fatin e bazës detare të Limionit në Sarandë dhe mënyrën e shkarkimit të Admiralit, Artur Meçollari, është dorëzuar në ambientet e Byrosë Kombëtare të Hetimit.
Bëhet fjalë për 5 orë filmim, ku Gjeneralët kryesorë të Ushtrisë janë përgjuar me zë dhe figurë, teksa marrin vendime të orientuara në mënyrë të drejtpërdrejtë nga ministrja e Mbrojtjes, Olta Xhaçka.
Me kërkesë të vetë oficerëve të BKH-së, materiali filmik është dorëzuar nga avokati Arben Llangozi, i cili bëri publik prezencën e kësaj video, ku përmendet nga Bardhyl Kollçaku në atë kohë Shef i Shtabit të Përgjithshëm të Ushtrisë, që më pas u bë Deputet i Partisë Socialiste në qarkun e Beratit.
Llangozi ka dorëzuar CD-në me materialin filmik dhe njëherësh ka dhënë shpjegime të detajuara mbi përmbajtjen e videos dhe denoncimin publik që bëri tre ditë më parë, lidhur me rastin në fjalë.
Për këtë çështje për më shumë se 3 vite me radhë, SPAK ka hapur një dosje penale, ku në qendër të hetimit janë Gjeneralët kryesorë të Ushtrisë dhe ish-ministria e Mbrojtjes, Olta Xhaçka.
Dhe duket se pas dorëzimit të këtij materiali filmik prej 5 orësh diskutim në mbledhje, pritet hetimi të përparojë edhe më tej.
