Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Nuk arrestoi një person që ishte në kërkim nga Interpoli, AMP ekzekuton urdhërin e ndalimit për një punonjës policie në Hanin e Hotit
r.llPërditësimi i fundit 14 Tetor 2024, 16:20
hani i hotit
SHKODËR- Agjencia e Mbikëqyrjes Policore ka ekzekutuar urdhërin e ndalimit për një efektiv në pikën kufitare të Hanit të Hotit. Ai dyshohet për kryerjen e veprave penale “Shpërdorim i detyrës” dhe “Korrupsion pasiv i personave që ushtrojnë funksione publike”.
Sipas AMP-së, punonjësi i policisë nuk ka arrestuar një shtetas malaez, i cili gjatë verifikimit nga pika e kontrollit, rezultoi se ishte në kërkim nga Interpoli. Hetimet vazhdojnë për zbardhjen e plotë dhe përfshirjen e mundshme të punonjësve të tjerë në këtë ngjarje.
NJOFTIMI I AMP:
Agjencia e Mbikëqyrjes Policore (Rajoni Shkodër - Lezhë), ka ekzekutuar urdhërin e ndalimit të punonjësit të policisë Inspektor P.Q., me detyrë Kontrollor pranë Pikës së Kalimit Kufitar Hani i Hotit, i dyshuar për veprat penale “Shpërdorim i detyrës” dhe “Korrupsion pasiv i personave që ushtrojnë funksione publike”.
Nga hetimet rezultoi se punonjësi i policisë nuk ka marrë masat për ndalimin e një shtetasi malazez, i cili gjatë verifikimit nga pika e kontrollit, rezultoi në kërkim nga Interpoli.
Hetimet vazhdojnë për zbardhjen e plotë dhe përfshirjen e mundshme të punonjësve të tjerë në këtë ngjarje.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave mbikëqyrëse, duke telefonuar në numrin e gjelbër 0800 90 90.
