Ditën e sotme vendi ynë do të ndikohet nga kushte atmosferike relativisht të qëndrueshme.
Sipas Shërbimit Meteorologjik Ushtara...
AKTUALITET
“I mora 8 mijë euro për t’ia ruajtur”/ Modelja e OnlyFans denoncon të dashurin shqiptar për vjedhje
PiranjatPërditësimi i fundit 4 Mars 2026, 20:48
Një version krejtësisht ndryshe i ngjarjes është ai që 23-vjeçari shqiptar, i arrestuar nga Policia natën mes së shtunës dhe të dielës së kaluar me akuzën se kishte grabitur të dashurën e tij, një modele e njohur e OnlyFans, ka treguar para gjyqtarit të hetimeve paraprake (GIP) të Gjykatës së Riminit.
I riu, i cili ishte i ndaluar të qëndronte në qytet dhe i asistuar nga avokati Giuliano Renzi, shpjegoi se kishte ardhur në Rimini pavarësisht masës kufizuese, pasi në apartamentin e tij jashtë provincës po kryheshin punime rinovimi dhe për këtë arsye kishte shkuar të jetonte në shtëpinë e partneres. Në një moment, të dy kishin vendosur të dilnin për të pirë diçka në bar, duke e lënë banesën në katin përdhes të pambikëqyrur dhe me dyert e dritaret e hapura që qentë të mund të dilnin në kopsht.
“Meqë gjithçka ishte e hapur,” – ka shpjeguar 23-vjeçari para gjyqtarit – “mora paratë e të dashurës sime që punon si modele në OnlyFans, rreth 8.600 euro, si dhe çelësat e makinës së saj të parkuar në rrugë. Gjatë mbrëmjes pimë dhe nisëm të ziheshim për motive xhelozie, aq sa në një moment ajo më hodhi një koktej. Duke parë situatën, nuk u ktheva me të në shtëpi dhe vendosa të flija në makinën e saj, por në një moment ajo zbriti në rrugë me një tapëhapës në dorë dhe nisi ta përplaste kundër xhamit të makinës. Britmat e saj bënë që fqinjët të dilnin dhe, në atë pikë, mendoj se ajo është lënduar vetë duke përplasur fytyrën në derën e makinës", citojnë mediat italiane.
“Ishte në atë moment,” – përfundon shqiptari – “që një mik i imi, me të cilin kishim dalë më parë për të pirë, erdhi të më merrte me makinën e tij për të më çuar në apartamentin tim jashtë provincës. Pak më vonë pamë dritat blu të patrullës dhe u frikësova për shkak të ndalimit për të qëndruar në Rimini. Për këtë arsye ika nga policët.”
Ky version u konsiderua i besueshëm nga gjyqtarja Raffaella Ceccarelli, edhe në dritën e profilit të viktimës së pretenduar. 28-vjeçarja është tashmë e njohur për forcat e rendit për frekuentimin e personave të njohur për vepra penale të lidhura me drogën, me të cilët shpesh është përfshirë në konflikte.
Në përfundim të seancës, gjyqtarja konfirmoi arrestin, por vendosi lirimin e 23-vjeçarit duke i vendosur ndalimin për t’iu afruar të dashurës, detyrimin për të qëndruar jashtë rajonit, mbajtjen e byzylykut elektronik dhe duke riafirmuar ndalimin për të qëndruar në Rimini. /PiranjatNews/
