Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Sulmoi rojen e burgut dhe i shkaktoi 17 qepje në kokë, dënohet me 4 vite burg shqiptari në Francë, ishte ndaluar për vepra të rënda penale
n.fPërditësimi i fundit 24 Tetor 2024, 11:59
Foto ilustruese
FRANCË- Një 32-vjeçar shqiptar është dënuar të martën nga autoritetet franceze me katër vjet burgim. Dënimi i tij ka ardhur pasi Ismail G. akuzohet për sulme, fyerje dhe kërcënime me vdekje të ndodhura më 31 korrik, 31 gusht dhe 1 shtator, ndaj gardianëve të burgut të Gradignan.
Mësohet se polici mori 17 qepje nga veshi në faqe. Shqiptari pranoi faktet me të cilat akuzohet se ka vepruar për “hakmarrje”, duke qenë se të drejtat e tij nuk janë respektuar në paraburgim. Ismail G. kërcënoi gjithashtu se do të vriste disa roje në burgun Bordeaux-Gradignan, i ofendoi dhe i pështyu në fytyrë, ndërsa dyshohet se ishte i ndaluar në Poitiers për një vepër të rëndë penale.
I pandehuri u përshkrua si “narcisist”, “veçanërisht impulsiv”, “me çrregullime të personalitetit” dhe “i rrezikshëm për të tjerët”, sipas ekspertit psikiatrik që rekomandoi internimin psikiatrik. Duke njohur një dënim “relativisht të rëndë”, sekretari vendor i sindikatës UFAP-Unsa në Bordeaux-Gradignan, Ronan Roudaut, shprehu keqardhjen që gjykata kishte “errësuar anën psikiatrike dhe detyrimin e kujdesit” në vendimin e saj.
Sindikatat denoncojnë rregullisht “mbipopullimin kronik” të qendrës së vuajtjes së dënimit, pavarësisht inaugurimit në maj të një godine krejt të re. Sipas Ministrisë së Drejtësisë, që nga 1 korriku, aty u burgosën 893 njerëz me një kapacitet prej 539 vendesh.
