Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
AKTUALITET
Operacioni i gjerë antidrogë në Tiranë, kush është motoristi i arrestuar i kompanisë ndërkombëtare (emri)
PiranjatPërditësimi i fundit 24 Dhjetor 2025, 20:26
Erdison Gjella, motorrist i WOLT Albania, është një nga personat e arrestuar nga Policia e Tiranës në kuadër të operacionit policor të koduar “Labirinti 2”, që goditi një grup kriminal të shpërndarjes së drogës në kryeqytet.
Sipas hetimeve, Gjella dyshohet se kamuflonte aktivitetin e paligjshëm të shpërndarjes së lëndëve narkotike duke u paraqitur si motorrist shpërndarjeje picash, duke përfituar nga lëvizja e lirë në qytet dhe mungesa e dyshimeve gjatë kontrolleve.
Në mesin e personave të arrestuar ndodhet edhe një ish-ushtarak, Dylber Alijaj.
Policia e Tiranës ka goditur në total një grup kriminal me 33 anëtarë, i cili shpërndante kokainë dhe Cannabis Sativa në disa zona të Tiranës, duke përdorur mjete të kamufluara si taksi dhe motoçikleta shpërndarjeje ushqimi.
Operacioni “Labirinti 2” u finalizua pas 4 javësh hetime intensive, nga Seksioni për Hetimin e Narkotikëve, në bashkëpunim me Prokurorinë e Tiranës.
Për 22 persona është ekzekutuar masa e sigurisë “Arrest në burg”, ndërsa gjatë periudhës hetimore janë arrestuar edhe 5 shtetas të tjerë. 6 persona vijojnë të jenë në kërkim.
Gjatë operacionit, policia ka sekuestruar:
rreth 500 gramë lëndë narkotike të dyshuar kokainë
10 kilogramë Cannabis Sativa dhe rreth 100 doza
5 automjete
28 telefona celularë
6 peshore elektronike
3 000 euro cash
Në pranga kanë rënë: Renaldo Dalipi, Engelbert Pjetri, Armandi Hajdini, Olsi Mici, Fatjon Cela (Çela), Xhon Boci, Laert Murataj, Artan Pullazi, Erald Sina, Blerim Mali, Gentjan Vercani, Valerjos Bushi, Olkid Hajdari, Dylber Alijaj, Angjelos Mema, Majdi Musa, Jurgen Hekurani, Erdison Gjella, Abdurahman Bollati, Klodian Rrucaj, Indri Nakaj dhe Genti Kraja.
