Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
PAMJE SKANDALOZE/ Spitali i Lushnjës i rrënuar! Pa eko, medikamente dhe shërbimi kryhet nëpër korridore
PiranjatPërditësimi i fundit 13 Shkurt 2026, 16:14
Deputeti i Partisë Demokratike, Saimir Korreshi ka denoncuar sërish kushtet problematike në spitalin e Lushnjes. Ai është shprehur se mungesa e aparaturave, ulja e buxhetit nga 207 milionë lekë në 2025 në 92 milionë këtë vit (të reja), lëvizja prej 6 muajsh e urgjencës dhe vendosja në katin e parë të maternitetit në kushte ku shumica e pacientëve marrin shërbim në korridor si dhe probleme të tjera, është e pafalshme dhe krijon kaos.
Korreshi solli në vëmendje se spitali i Lushnjes u shërben 250 mijë banorëve, jo vetëm të Lushnjes e Divjakës por edhe zonave të Belshit, Rrogozhinës dhe Peqinit. Gjithashtu ai fton deputetët e Lushnjes që të vizitojnë spitalin dhe të shohin nga afër problemet. Gjithashtu ve në dukje se zgjidhja e vetme është ndryshimi i statusit të spitalit nga spital bashkiak në spital rajonal.
“Sot situata është dramatike. Pamjet flasin vetë, le të vijnë dhe ta shohin vetë. Së pari, duhet ndryshuar statusi i spitalit nga bashkiak në rajonal, që të ketë më shumë investime dhe buxhet. Diferenca është rreth 150 milionë lekë. Analizat ia kanë dhënë privatit, duke e degraduar qytetin. Nuk ka as medikamente; ky ka qenë një spital i jashtëzakonshëm, kanë ardhur pacientë nga të gjitha zonat, rreth 250 mijë njerëz.
Por sot, që flasim, nuk ka asnjë pajisje që funksionon. Mamografia është gjithmonë e prishur, skaneri po ashtu, aparaturat e urgjencës nuk funksionojnë, dhe madje çdo gjë që del jashtë, hyn sërish brenda, mos o Zot ndodh diçka. Edhe aparatura e ekos është financuar nga një bankë.
Te Gjinekologjia nuk ka aparatura; nëse flisni me gjinekologët, do mësoni se çfarë ndodh atje. Nuk po flas më për kushtet, që janë dramatike, jo vetëm për mungesën e mjeteve. Spitalet private përfitojnë nga lekët e shqiptarëve; të gjithë e dinë që pacientët e Lushnjës shkojnë për analiza në Tiranë”, u shpreh ai.
