Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
"Pas 2013 'filloi' kokainën me tonelata"/ Dëshmia e Nuredin Dumanit për Elvis Doçin ose 'Visin e Pojës': Është nipi i Troplinëve dhe shumë i aftë për trafikim!
m.loPërditësimi i fundit 21 Maj 2025, 21:46
TIRANA- Xhevdet Troplini, i njohur si Poja, u zbulua si pasojë e mega-operacionit policor të koduar 'Ura'. Poja ishte kreu i një organizate të fuqishme kriminale që trafikon lëndë të forta narkotike nga Amerika Latine në drejtim të Europës. Por çfarë tha bashkëpunëtori i drejtësisë, Nuredin Dumani për Xhevdet Toplinin ose Pojën.
Dumani u shpreh se e njihte prej shumë vitesh Elvis Doçin, të cilin e njihte vetëm me emrin ‘Visi i Pojës’, për shkak të marrëdhënies së ngushtë kriminale që kishte pasur më parë me Fatmir Troplinin i njohur si “Miri”, bir i Xhevdet Troplinit dhe kushëri i Elvis Docit. Dumani dëshmoi se ai ishte negociator shumë i aftë për trafikun e heroinës dhe pas disa vitesh për kokainën me tonelata.
“E identifikoj shumë mirë, e njoh me emrin VISI. E njoh prej vitesh, që kur isha i vogël. Visi është një negociator shumë i aftë për trafikun e heroinës. Më pas, në vitin 2013, e la heroinën dhe filloi me kokainën. Për heroinë nuk e kam dëgjuar më, por për kokainë po. Me tonelata. Të gjithë e quajnë Visi i Pojës. Poja është Xhevdet TROPLINI. Visi i Pojës është djali i motrës së Xhevdet TROPLINI-t të quajtur Poja. Nuk ka ndonjë tjetër Visi," thuhet në dosje.
