Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Marrëdhënie seksuale me të miturën, nis hetimi për punonjësin e policisë në Përmet (emri)
PiranjatPërditësimi i fundit 18 Shtator 2025, 11:52
Policia e Përmetit ka nisur hetimin për një oficerin e quajtur Artur Ago, 56 vjeç, pasi dyshohet se ka pasur marrëdhënie seksuale me një të mitur.
Nga të dhënat e para mësohet se indiciet për këtë ngjarje janë marrë në rrjetet sociale.
Polici 56-vjeçar dyshohet se ka pasur një marrëdhënie intime me një vajzë 16-vjeçare, me inicialet S. K., nga Këlcyra.
Drejtoria Vendore e Policisë Gjirokastër nisi hetimet në bashkëpunim me Agjencinë e Mbikëqyrjes Policore (AMP), për shkak të përfshirjes së një punonjësi policie.
Burime nga grupi hetimor bëjnë me dije se rasti është zbuluar përmes disa videove me përmbajtje intime, që ishin shpërndarë në mënyrë virtuale dhe ishin në posedim të disa të rinjve, shokë të përbashkët të vajzës. Dyshohet se këta persona kanë tentuar ta shantazhojnë efektivin e policisë, duke i kërkuar para në këmbim të mospublikimit të materialeve.
Deri më tani, janë shoqëruar 7 persona të përfshirë në këtë rast, ndërsa hetimet po vazhdojnë për të zbardhur të plotë ngjarjen, rolin e secilit dhe nëse ka persona të tjerë të përfshirë.
Ndërkohë, vajza e mitur është marrë në mbrojtje dhe pritet që të merret në pyetje në prani të psikologut dhe përfaqësuesve ligjorë.
