Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Përplasja mes Ulian Bajramit dhe prokurorit, zbardhet audio-regjistrimi/ Ja çfarë çoi në arrestimin e avokatit
PiranjatPërditësimi i fundit 19 Tetor 2025, 11:08
Është bërë publike përplasja verbale në sallën e gjyqit mes avokatit Ulian Bajrami dhe një prokurori të çështjes, e cila çoi në ndalimin e avokatit një ditë më parë.
Gjatë një seance për shqyrtimin e masës së sigurisë ndaj klientit të tij, Bajrami kontestoi vlefshmërinë e provave të paraqitura nga prokuroria, duke deklaruar: "Kërkesa e prokurorit për caktim mase bazohet në disa prova. Një ndër to tregon që ka pasqyrim të rremë të të dhënave, dhe do të merrem personalisht edhe me prokurorin edhe me gjithë oficerët e policisë gjyqësore. Do të bëj kallëzim."
Deklarata e tij u interpretua si një formë kanosjeje, çka solli reagimin e menjëhershëm të gjyqtares Ersila Strakosha, e cila e paralajmëroi për sjellje të papërshtatshme në sallën e gjyqit.
"Avokat, nuk funksionon me kërcënim në sallën e gjyqit. Nuk ka rëndësi se çfarë do të bëni jashtë kësaj salle," u shpreh gjyqtarja.
Pas seancës, Bajrami u ndalua nga policia nën dyshimet për “kanosje ndaj personit që ushtron funksione publike”. Dhoma Kombëtare e Avokatisë ka reaguar ashpër ndaj arrestimit, duke e cilësuar ngjarjen si një precedent të rrezikshëm për lirinë e fjalës dhe ushtrimin e profesionit të avokatit.
Avokati Ulian Bajrami: Kërkesa e prokurorit për vlerësim për caktim mase bazohet në disa prova. Një ndër to tregon që ka pasqyrim të rreme të të dhënave, dhe do të merrem personalisht edhe me prokurorin edhe me gjithë oficerët e policisë gjyqësore. Do të bëj kallëzim.
Gjyqtarja Megi Strakosha: Avokat nuk funksionon me kërcënim në sallën e gjyqit. Nuk ka rëndësi se çfarë do të bëni ju jashtë kësaj salle.
Avokati Ulian Bajrami: Konstatoj vepër penale…
Gjyqtarja Megi Strakosha: Do të marr masa nga ato që parashikon Kodi i Procedurës. Ky lloj komunikimi në këtë sallë gjyqi me mua si gjyqtare nuk të lejohet. Përqendrohu te mbrojtja e të pandehurit tënd ose do të caktohet një avokat kryesisht dhe do të të nxjerr përjashta. Paralajmërimi i fundit.
Avokati: Mesa pashë konstatoj pasqyrim të të dhënave të rreme.
