Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Person kyç në dosjen “Aruba”/ Lala dhe Hoxha shpjegojnë pse nuk mund të ekstradohet Artur Shehu nga SHBA
PiranjatPërditësimi i fundit 15 Qershor 2026, 22:29
Gazetarët Klodiana Lala dhe Artan Hoxha shpjeguan detaje nga jeta në SHBA e Artur Shehut, personit kyç të dosjes “Aruba” dhe të investimit në resortin e Zvërnecit.
Lala tha se ai u përgjua në Aruba dhe më pas udhëtoi në Evropë. Ndërsa Hoxha u shpreh se Shehu nuk mundet të vijë në Shqipëri sepse ka azil politik dhe se është hetuar disa herë nga FBI.
Lala: Dyshoj se mund të ekstradohet. Ka azil politik në SHBA. Çfarë përfaqëson ky personazh në SHBA? Nuk e dimë. Dosja thotë se Artur Shehu pasi u përgjua në Aruba, rezulton të ketë udhëtuar në Majorka, në Belgjikë, Holandë, me qëllim për të folur për çështje biznesi që kishin të bënin me drogën, pastrimin e parave, pronat. Ai rezulton të jetë në qendër të tjetërsimit të pronave jo vetëm në Zvërnec, por në të gjithë jugun. Bashkëpunonte me avokatin e familjes dhe zyrtarë vendorë.
Hoxha: Artur Shehu jeton në Majami, ka një biznes atje. Kanë shkruar disa herë mediat amerikane. Është hetuar edhe nga FBI-ja disa herë. Ka rezultuar i pastër nga hetimet. Duke qenë se ka stastusin e azilantit nuk mundet të vijë në Shqipëri, por vjen rrotull sepse humb statusin e azilantit. Familjarët e tij, gruaja dhe fëmijët kanë përfituar dokumente amerikane, një vëlla e ka në Kanada, por nuk e di statusin e azilantit, me çfarë dokumentesh lëviz ai. Është qytetar amerikan dhe SHBA-të nuk ekstradojnë qytetarë amerikanë në Republikën e Shqipërisë. Marrëveshje që në kohën e Zogut, por në anën tjetër, SPAK e ka hetuar, edhe Antimafia e ka hetuar, por statusi i tij është qytetar i lirë.
