Një stuhi me reshje të dendura ka përfshirë qytetin e Elbasanit dhe zona të ndryshme të qarkut, duke shkaktuar grumbullime t&eum...
AKTUALITET
“Pishinë pa leje në tarracën e pallatit”, denoncimi i qytetarit: Rrezikon jetën tonë! Institucionet të ndërhyjnë!
Nga Xhuljan FerzajPërditësimi i fundit 12 Maj 2026, 11:06
Një banor në zonën e Shkëmbit të Kavajës, i është drejtuar redaksisë së Piranjat News, për të denoncuar problematikën në pallatin ku banon.
Qytetari tregon se një banor ka ndërtuar pishinë në tarracën e pallatit ku banojnë pa leje nga institucionet përkatëse dhe miratimin e banorëve, duke rrezikuar strukturën e ndërtesës e cila është dobësuar për shkak të tërmetit.
“Kjo ndërhyrje është bërë pa lejet përkatëse, dhe përbën rrezik për sigurinë e ndërtesës dhe të banorëve. Kjo situatë po na shqetëson seriozisht, pasi mund të sjellë pasoja strukturore dhe rrezik për jetën e banorëve”, ankohet banori.
Mesazhi i qytetarit:
Përshëndetje Piranja!
Po ju shkruaj për të denoncuar një rast problematik në një pallat banimi në zonën e shkëmbit të Kavajës.
Një person ka ndërtuar një pishinë mbi tarracën e pallatit, pa dijeninë dhe pa miratimin e banorëve të tjerë. Kjo ndërhyrje është bërë pa lejet përkatëse, dhe përbën rrezik për sigurinë e ndërtesës dhe të banorëve. Kjo situatë po na shqetëson seriozisht, pasi mund të sjellë pasoja strukturore dhe rrezik për jetën e banorëve, duke mare parasysh edhe tërmetin qe i ka shkundur mirë këto pallate. Ju lutem ta verifikoni dhe, nëse është e mundur, ta publikoni ketë rast për të marrë vëmendjen e institucioneve përkatëse. Faleminderit!/Piranjat News
