Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Plagosje me thikë në Durrës pas një konflikti, vihen në pranga dy persona
r.llPërditësimi i fundit 9 Qershor 2024, 13:12
foto ilustruese
DURRËS- Një plagosje me thikë ka ndodhur mbrëmjen e djeshme rreth orës 23:30 , në vendin e quajtur "Mali i Robit". Sipas informacioneve policore, plagosja ka ndodhur pas një konflikti për motive të dobëta, ku 26-vjeçari me iniciale M.Gj ka goditur me thikë shtetasin me iniciale A.Gj.
Në konfliktin mes dy të sipërpërmendurve ka ndërhyrë edhe 33-vjeçari me iniciale G.Gj i cili ka goditur me mjete të forta 26-vjeçarin dhe më pas ka sulmuar me thikë shtetasin S. A., i cili ndodhet në spital, jashtë rrezikut për jetën.
Policia ka arrestuar menjëherë 26-vjeçarin dhe 33-vjeçarin, të cilët akuzohen për kryerjen e veprës penale “Plagosja e rëndë me dashje”.
NJOFTIMI I POLICISË:
Specialistët për Hetimin e Krimeve të Rënda, në Drejtorinë Vendore të Policisë Durrës, bënë arrestimin në flagrancë të shtetasve:
M. Gj., 26 vjeç dhe G. Gj., 33 vjeç, banues në Kavajë, të dyshuar për kryerjen e veprës penale “Plagosja e rëndë me dashje”.
Nga hetimet dyshohet se më datë 08.06.2024, rreth orës 23:30, në vendin e quajtur “Mali i Robit”, gjatë një konflikti të çastit për motive të dobëta, shtetasi M. Gj. është konfliktuar me shtetasin A. Gj. dhe gjatë konfliktit e ka goditur këtë shtetas, me mjet prerës thikë.
Në konflikt ka ndërhyrë edhe shtetasi G. Gj., i cili ka dëmtuar me mjete të forta, shtetasin M. Gj., si dhe më pas ka goditur me mjet të mprehtë thikë, shtetasin S. A., i cili ndodhet në spital, jashtë rrezikut për jetën.
Grupi hetimor, në drejtimin e Prokurorisë, vijon punën hetimore për sqarimin e plotë të rrethanave të ngjarjes, sigurimin e provave, si dhe për identifikimin e shtetasve të tjerë të përfshirë në këtë konflikt.
Materialet procedurale i kaluan Prokurorisë së Juridiksionit të Përgjithshëm Durrës, për veprime të mëtejshme.
