Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Po transportonin emigrantë drejt Shkodrës për të kaluar nga Mali i Zi, vihen në pranga 5 persona, të arrestuarit tentuan të arratisen
n.fPërditësimi i fundit 22 Nëntor 2024, 14:38
Foto ilustruese
GJIROKASTËR- Pesë persona janë vënë në pranga ditën e sotme. Mësohet se arrestimi i tyre ka ardhur pasi ata po transportonin emigrantë të paligjshëm drejt Shkodrës me qëllim kalimin në Mal të Zi. Policia bën me dije se nga ky operacion janë sekuestruar 3 automjete dhe 5 celularë.
Dy nga të arrestuarit nuk i janë bindur urdhrit të Policisë për të ndaluar në aksin rrugor "Ura e Kardhiqit-Tepelenë”, por kanë vijuar me shpejtësi lëvizjen dhe kanë braktisur automjetin. Ata janë larguar pasi në automjetin e tyre kishin disa emigrantë nga vendet e treta që po i transportonin në drejtim të Shkodrës. Më pas arrestimi i tyre ka ardhur në vend e quajtur "Rrethrrotullimi i Levanit". Në pranga janë vënë edhe bashkëpunëtorët e tjerë.
DVP Gjirokastër/ Finalizohet nga Seksioni për Hetimin e Trafiqeve të Paligjshme, në bashkëpunim me Sektorin e Policisë Rrugore, Sektorin Operacional, DVP Fier dhe me Prokurorinë Gjirokastër, operacioni i koduar "Turn", për goditjen e një rasti të dhënies ndihmë për kalim të paligjshëm të kufirit.
Arrestohen në flagrancë pesë shtetas. Sekuestrohen 3 automjete dhe 5 celularë. Gjatë operacionit, si rezultat i informacioneve të siguruara nga inteligjenca policore, u arrestuan shtetasit: M. B., 19 vjeç, A. T., 28 vjeç, J. S., 20 vjeç, I. Ç., 28 vjeç, të katër banues në Elbasan, për veprën penale "Ndihma për kalim të paligjshëm të kufijve", kryer në bashkëpunim dhe shtetasi D. K., 22 vjeç, banues në Elbasan, për veprën penale "Përkrahja e autorit të krimit".
Shtetasit I. Ç., dhe J. S., nuk i janë bindur shenjës së bërë nga shërbimet e Policisë për të ndaluar në aksin rrugor "Ura e Kardhiqit-Tepelenë”, por kanë vijuar me shpejtësi lëvizjen dhe kanë braktisur automjetin, pasi në automjetin e tyre kishin disa emigrantë nga vendet e treta që po i transportonin në drejtim të Shkodrës me qëllim kalimin e paligjshëm të kufirit drejt Malit të Zi.
Menjëherë, shërbimet e Policisë iu janë vënë në ndjekje dhe si rezultat i koordinimit me DVP Fier, në vend e quajtur "Rrethrrotullimi i Levanit", është mundësuar kapja e tyre dhe i shtetasit D. K., i cili po ndihmonte shtetasit I. Ç., dhe J. S., që të largoheshin, duke i transportuar me automjetin e tij, pas braktisjes së automjetit të tyre që transportonin emigrantët.
Ndërsa shtetasit A. T., dhe M. B., qarkullonin me automjetin tip "BMë", për të kontrolluar rrugën dhe për të sinjalizuar shtetasit I. Ç., dhe J. S., për prezencë të shërbimeve të Policisë. Materialet procedurale kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
