Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Policia italiane arreston 'bossin' e drogës/ 45-vjeçari sapo ishte kthyer nga Shqipëria! Trafikonte lëndë narkotike me vlerë 600 mln dollarë
E.DPërditësimi i fundit 27 Maj 2025, 19:33
ITALI- Një 45-vjeçar shqiptar është arrestuar nga policia italiane në aeroportin e Milanos, Malpensa. Sipas mediave të huaja 45-vjeçari ishte në arrati që nga nëntori i vitit 2024. Gjithashtu bëhet e ditur se 45-vjeçari sapo kishte mbërritur nga Shqipëria dhe kërkohej për përfshirjen e tij në një organizatë kriminale të dedikuar për trafik droge.
Sipas informacionit të publikuar në faqen e internetit të Policisë së Shtetit në Itali, shqiptari i kishte shpëtuar ekzekutimit të një urdhër-arresti gjatë Operacionit “Moby Dick”. Ky operacion çoi në lëshimin e 43 masave paraprake kundër një organizate kriminale të specializuar në trafikun e drogës, e cila vepronte në disa vende evropiane, si dhe në Dubai dhe Singapor.
Hetimet zbuluan se organizata, në të cilën i arrestuari luante një rol kryesor, vepronte si një organizatë e vërtetë kriminale shumëkombëshe. Përmes një sistemi kompleks mashtrimi, organizata ishte e përkushtuar ndaj pastrimit të TVSH-së brenda Komunitetit, duke shkaktuar dëme prej 600 milionë eurosh në thesarin e shtetit.
I arratisuri akuzohet gjithashtu për krimet e mashtrimit brenda komunitetit dhe pastrimit të parave, me rrethanë rënduese të metodës mafioze dhe kamorrës. Arrestimi përfaqëson një hap të rëndësishëm përpara në luftën kundër organizatave kriminale ndërkombëtare.
