Deputetja e Partisë Demokratike, Ina Zhupa përmes një postimi në rrjetet sociale ka reaguar lidhur me tensionet e dy ditëve të f...
AKTUALITET
Protesta e kamionistëve në 4 shtete/ Bllokohet për 3 ditë kalimi në pikat kufitare për shkak të grevës
PiranjatPërditësimi i fundit 13 Prill 2026, 18:11
Autoritetet doganore shqiptare njoftojnë se nga nesër deri më 16 prill do të bllokohet lëvizja e mjeteve të rënda drejt Malit të Zi dhe Maqedonisë së Veriut. Ky kufizim vjen si pasojë e një greve 72-orëshe të paralajmëruar nga shoqatat e kamionistëve të rajonit, e cila nis në orën 09:30.
Për të shmangur bllokimet dhe incidentet në akset rrugore, policia nuk do të lejojë kalimin e kamionëve deri në përfundimin e plotë të protestës. Gjatë kësaj periudhe, do të lejohet qarkullimi normal vetëm për autoveturat, autobusët e udhëtarëve dhe mjetet e emergjencës.
Njoftimi:
Autoritetet malazeze kanë njoftuar se më datë 14.04.2026, duke nisur nga ora 09:30, për një periudhë 72-orëshe, Shoqata e Kamionistëve të Republikës së Malit të Zi do të zhvillojë një protestë.
Për arsye sigurie dhe për të shmangur bllokimin e rrugëve apo incidente të mundshme, nuk do të lejohet qarkullimi i mjeteve të tonazhit të rëndë, nga Shqipëria në Malin e Zi, deri në përfundim të protestës.
Në akset rrugore që të çojnë drejt vendkalimeve kufitare me Republikën e Malit të Zi, do të lejohen të qarkullojnë vetëm automjetet e vogla, automjetet e emergjencës, autobusët dhe mjetet e transportit të pasagjerëve.
Policia e Kufitare kërkon mirëkuptimin e drejtuesve të mjeteve të tonazhit të rëndë, për respektimin e periudhës së kufizimit të lëvizjes, me qëllim shmangien e bllokimit të rrugëve apo të incidenteve të mundshme
