Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Qëlloi me pistoletë lodër mjeken në QSUT dhe përplasi 3 automjete të policisë/ Zbardhen detaje nga aksioni i arrestimit të 42-vjeçarit nga i cili u dëmtuan 2 efektivë
m.lPërditësimi i fundit 23 Maj 2025, 12:25
TIRANË- Është vënë në pranga 42-vjeçari që shkaktoi skenën e frikshme në Tiranë, ku përplasi tre automjete të policisë gjatë tentativës për tu larguar nga ambientet e QSUT-së. Mësohet se Enis Vrapi kishte qëlluar një mjeke me pistoletë lodër në drejtim të gjymntyrëve të poshtme në Qendrën Spitalore Universitare “Nënë Tereza” dhe më pas ka tentuar të largohet me një automjet. Bëhet me dije se Vrapi rrezikoi jetën e punonjësve të policisë duke përplasur tre automjete të tyrë me automjetin që ai po drejtonte. Nga përplasjet u dëmtuan lehtë 2 punonjës policie të qarkullimit rrugor.
Drejtoria Vendore e Policisë Tiranë/ Rrezikoi jetën e punonjësve të Policisë, pasi përplasi 3 automjetet e tyre, me automjetin që drejtonte, gjatë tentativës për t’u larguar nga ambientet e QSUT, pasi kishte qëlluar me pistoletë lodër, një mjeke, kapet 42-vjeçari. Sekuestrohet sendi me të cilin qëlloi 42-vjeçari.
Rreth orës 09:00, shtetasi E. V., 42 vjeç, dyshohet me probleme të shëndetit mendor, ka qëlluar me pistoletë lodër (me gogla), në drejtim të gjymtyrëve të poshtme, një mjeke të Qendrës Spitalore Universitare “Nënë Tereza”, dhe ka tentuar të largohet me automjet nga ambientet e kësaj qendre.
Menjëherë pas marrjes dijeni, shërbimet e Policisë i janë vënë në ndjekje këtij shtetasi, kanë mundur ta kapin dhe kanë kryer shoqërimin e tij, në ambientet e Policisë, me qëllim kryerjen e veprimeve të mëtejshme procedurale.
Gjatë tentativës për t’u larguar, 42-vjeçari ka përplasur me automjetin që drejtonte, 3 automjete policie. Nga përplasjet u dëmtuan lehtë 2 punonjës policie të qarkullimit rrugor. Grupi hetimor, në drejtimin e Prokurorisë së Tiranës, vijon punën për dokumentimin e rrethanave të rastit.
