Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Qytetari denoncon skandalin tek 'Kodra e Diellit': Ujërat e zeza derdhen në themelin e shtëpisë sime
PiranjatPërditësimi i fundit 15 Janar 2026, 15:51
Një qytetar ka denoncuar në redaksinë e PIRANJAVE një problem serioz dhe të vazhdueshëm në zonën e Kodrës së Diellit, ku ujërat e zeza derdhen drejtpërdrejt në themelin e banesës së tij.
Sipas denoncuesit, kjo situatë alarmante po vazhdon prej një kohe të gjatë dhe ka sjellë pasoja të rënda, duke dëmtuar tokën dhe themelet e banesës, duke ndotur rëndë ambientin përreth si dhe duke krijuar rrezik të drejtpërdrejtë për shëndetin dhe higjienën e banorëve.
Denoncimi
Përshëndetje Emisioni PIRANJAT
Po ju drejtohem për të denoncuar një problem shumë shqetësues dhe të vazhdueshëm në zonën e Kodrës së Diellit. Prej kohësh, ujërat e zeza derdhen pa asnjë tubacion, drejtpërdrejt në rrënjë të themelit të shtëpisë sime.
Kjo situatë ka sjellë dhe vazhdon të sjellë probleme serioze, si: dëmtim të tokës dhe themeleve të banesës ndotje të rëndë të ambientit përreth rrezik për shëndetin dhe higjienën e banorëve
Dua të theksoj se janë bërë disa ankesa pranë zyrave përkatëse, por fatkeqësisht nuk janë marrë parasysh dhe nuk ka pasur asnjë zgjidhje konkrete.
Për këtë shqetësim pres një përgjigje nga ana juaj dhe jam i gatshëm të jap çdo informacion shtesë apo përgjigje për çdo pyetje që mund të keni. Gjithashtu, ju pres në vendngjarje për ta konstatuar nga afër situatën reale.
Ju lutem ta trajtoni këtë rast, pasi është një problem real që kërkon ndërhyrje të menjëhershme dhe zgjidhje institucionale.
