Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
AKTUALITET
Qytetari shqiptar në Kuvajt denoncon skandalin: Ambasada shqiptare është mbyllur pa paralajmërim, ambasadori ia ka mbathur!
PiranjatPërditësimi i fundit 12 Mars 2026, 16:12
Një qytetar shqiptar që jeton dhe punon në Kuvajt, shtet i pavarur që shtrihet në ekstremin verior të Gjirit Persik, në mes Arabisë Saudite dhe Irakut ka bërë një denoncim publik në lidhje me situatën e krijuar pas luftës në Lindjen e Mesme.
Qytetari sqaron ambasada shqiptare në këtë vend, ka treguar mungesë përgjegjësie institucionale dhe braktisje të qytetarëve. Sipas tij, Shqipëria është ndër të paktat vende në rajon që nuk ka organizuar evakuimin e qytetarëve të saj nga zona, ndërkohë që vende të tjera si Kosova, Maqedonia e Veriut dhe shtete të tjera të Ballkanit kanë ndërmarrë masa për largim.
Qytetari pretendon se situata është përkeqësuar edhe më shumë pasi ambasadori shqiptar në Kuvajt ka mbyllur ambasadën pa paralajmërim dhe është larguar gjatë natës. Sipas denoncimit, ai është larguar bashkë me një grup qytetarësh nga Maqedonia e Veriut.
“Ambasada është mbyllur pa asnjë njoftim dhe ambasadori është larguar natën. Kjo është e papranueshme për ne si qytetarë shqiptarë,” shprehet
Qytetari thekson se ai personalisht ka pasur mundësi të lëvizë dhe nuk po e bën denoncimin për përfitim personal, por për të ngritur shqetësimin mbi mënyrën se si, sipas tij, shteti shqiptar dhe përfaqësuesit diplomatikë po trajtojnë qytetarët jashtë vendi.
Ai e cilëson këtë situatë si një tregues të një niveli të ulët përgjegjësie nga ana e institucioneve dhe kërkon reagim dhe sqarime./Piranjat news
