Kryetari i PD, Sali Berisha ka bërë përgjegjës Edi Ramën për krizën që ka shpërthyer në vend, me protesta ma...
AKTUALITET
VIDEO/ Rama flet për anëtarësimin e Shqipërisë në BE, Klemend Ndoni i Këlcyrës tallet me banorët
PiranjatPërditësimi i fundit 21 Qershor 2026, 10:49
Ndërsa kryeministri Rama flet për zhvillimin e vendit dhe arritjet e qeverisë situata në tregun e bashkisë Këlcyrë është si te Kaci në Indi.
Fermerët e zonave rurale të Këlcyrës detyrohen të shesin qumështin, gjalpin dhe vezët në mes të sheshit, të ekspozuara ndaj temperaturave të larta, kryetari i Bashkisë Këlcyrë, Klement Ndoni, duket se ka harruar një nga premtimet më të përsëritura ndër vite: ndërtimin e një tregu për produktet bujqësore.
Banorët jo vetëm që nuk kanë një hapësirë të përshtatshme për të tregtuar prodhimet e tyre, por paguajnë edhe tarifë në bashki. Pra, taksa ka, por treg nuk ka. Premtimet ka, por investimi mungon.
Për shumë banorë, situata është shembulli më i qartë i diferencës mes fjalëve dhe veprave. Ndërsa fermerët luftojnë çdo ditë për të siguruar të ardhura nga puna e tyre, Bashkia vazhdon të mos ofrojë një zgjidhje për një problem elementar që zvarritet prej vitesh.
Pyetja që shtrojnë banorët është e thjeshtë: sa mandate, sa premtime dhe sa verë të tjera duhen që Këlcyra të ketë një treg normal për produktet e saj? Deri atëherë, fermerët do të vazhdojnë të shesin në shesh e konsumatorët të blejnë të pasigurt. /PiranjatNews/
