Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Rama pranon dështimin, premton 15 milionë euro ekstra për pacientët me kancer
PiranjatPërditësimi i fundit 8 Nëntor 2025, 12:02
Kreu i qeverisë Edi Rama deklaroi sot se do të hapet një linjë financimi nga buxheti i shtetit për pacientët me kancer.
Kryeministri shpjegoi se do të futen 15 milionë euro ekstra në shërbim të pacientëve të Onkologjikut, gjithashtu tha se për herë të parë gratë e vajzat që kanë kaluar kancerin e gjirit do të përfitojë të plotë dhe falas shërbimin e rikonstruksionit të gjirit. Kryeministri mburret se me paratë ekstra do të zgjidhi problemin e pacientëve me kancer por në fakt nxjerr në pah dështimin të cilin Rama e pranon vetë.
“Për herë të parë do të hapim një linjë financimi vetëm për këtë nevojë jetike, duke futur 15 milionë euro ekstra në shërbim të pacientëve të Onkologjikut.
Për herë të parë shërbimi i rikonstruksioni i gjirit për gratë dhe vajzat që kalojnë kancerin do të jepet i plotë për të gjitha dhe falas”, tha Rama.
Në kohen që pacientet prej më shumë vitesh vuajnë mungesën e kimioterapisë në vitin 2025 kryeministri kujtohet për ta financuar këtë sektor problematik
Piranjat.al i bëjnë një pyetje të hapur Kryeministrit Rama:
Kush do të mbaj përgjegjësi për jetët e humbura për shkak të mungesës së barnave?
kush do të mbaj përgjegjësi për rastet që sëmundja ka avancuar ndërkohë s’ka pasur mjekim?!
Problemi me mungesën e ilaçeve për trajtimin e kancerit është bërë mediatik që në vitin 2021 nga vetë shefja e shërbimit Onko-hematologjisë pediatrik Anila Godo.
“Gjatë jetës sime në spital nuk kam qenë asnjëherë e plotësuar 100% me kimio me citostatik kam pasur periudha me 90% apo 80% por nuk mund te them qe kam pasur 1 vit të tërë të mbuluar”, shpjegoi Anila Godo gjatë një interviste për Syri Tv.
Kryeministri premtoi se 4600 mjekë, infermierë dhe farmacistë, si edhe 14 mijë teknikë e laborantë, do të përfitojnë një rritje të re pagash.
“Po ndalem tek lufta me kancerin dhe nevoja për barna të shtrenjta që kërkon kjo luftë.
Për herë të parë do të hapim një linjë financimi vetëm për këtë nevojë jetike, duke futur 15 milionë euro ekstra në shërbim të pacientëve të Onkologjikut.
Për herë të parë shërbimi i rikonstruksioni i gjirit për gratë dhe vajzat që kalojnë kancerin do të jepet i plotë për të gjitha dhe falas.
Ndërkohë ministrja e Shëndetësisë do të udhëheqë projektin e ngritjes Institutit Kombëtar të Tumoreve për Shqipërinë 2030.
Ndërkohë 4600 mjekë, infermierë dhe farmacistë, si edhe 14 mijë teknikë e laborantë, do të përfitojnë një rritje të re pagash.
Ky është një mesazh për gjeneratën e re të bluzave të bardha se në Shqipëri qëndrohet e punohet me dinjitet. Shqipëria 2030 do bëhet vendi ku ikja do të jetë thjesht zgjedhje individuale, jo imponim nga pamundësia për të qëndruar dhe punuar këtu”, deklaroi Rama.
Realiteti në Shqipëri është ndryshe, mjekët, infermierët dhe farmacistët janë larguar masivisht duke krijuar mungesa të theksuara në shërbimin shëndetësor. Me këtë premtim, Rama dëshiron të frenojë largimet e personelit shëndetësor, por mungesa e kushteve i ka bërë bluzat e bardha të zgjedhin Gjermaninë./Piranjat News
