Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
AKTUALITET
Raporti paraprak i OSBE/ODIHR për zgjedhjet: Mosadresimi i rekomandimeve tona tregon mungesë të vullnetit politik për reforma gjithëpërfshirëse
r.llPërditësimi i fundit 12 Maj 2025, 21:15
perfaqesuesit e osbe
TIRANË- OSBE-ODIHR ka publikuar raportin paraprak lidhur me zgjedhjet parlamentare të 11 majit, që u zhvilluan një ditë më parë në vendin tonë. Në raport thuhet se shumë nga rekomandimet e tyre të hershme mbeten të paadresuar, gjë që sipas tyre tregon tregon mungesë të vullnetit të plotë politik për reforma gjithëpërfshirëse.
Lidhur me listat e mbyllura dhe të hapura në raport thuhet se partitë e vogla kanë argumentuar se sistemi favorizon dy partitë më të mëdha dhe ai kufizon ndikimin e votimit preferencial, duke u mundësuar udhëheqësve të partive të mbajnë kontroll të rëndësishëm mbi përfaqësimin parlamentar.
Duke kaluar te votimi i diasporës, në raport thuhet se procesi në përgjithësi ka shkuar mirë, ndonëse u vunë re disa probleme me dorëzimin e fletëvotimeve. Në raport thuhet se KQZ-ja bëri një përpjekje për të përmirësuar aksesin në QV për personat me aftësi të kufizuara, por në ditën e zgjedhjeve vëzhguesit raportuan probleme aksesueshmërie në disa vende.
PJESË NGA RAPORTI I OSBE:
Kuadri ligjor ofron një bazë adekuate për zhvillimin e zgjedhjeve demokratike, pavarësisht nevojës së vazhdueshme për reformë gjithëpërfshirëse zgjedhore përmes konsultimeve publike gjithëpërfshirëse. Mangësitë dhe paqartësitë e vërejtura zvogëlojnë qartësinë e kuadrit ligjor dhe krijojnë pasiguri në zbatimin e tij si në terma ashtu edhe në frymë. Ndërkohë që u adresuan disa rekomandime të ODIHR-it dhe Komisionit të Venecias të Këshillit të Evropës, shumica e rekomandimeve të kahershme, duke përfshirë ato që lidhen me përbërjen e komisioneve zgjedhore të nivelit më të ulët, raportimin e përkohshëm për financimin e fushatës dhe dispozitat për të ofruar një mjedis të favorshëm mediatik, duke përfshirë heqjen e përgjegjësisë penale për shpifje, nuk janë adresuar ende, gjë që tregon mungesë të vullnetit të plotë politik për reforma gjithëpërfshirëse.
Parlamenti zgjidhet përmes një sistemi zgjedhor të modifikuar që kombinon listat e mbyllura dhe ato preferenciale, i cili u prezantua përpara këtyre zgjedhjeve. Disa parti më të vogla argumentuan se sistemi favorizon dy partitë më të mëdha dhe ai kufizon ndikimin e votimit preferencial, duke u mundësuar udhëheqësve të partive të mbajnë kontroll të rëndësishëm mbi përfaqësimin parlamentar, pjesërisht për shkak të mungesës së demokracisë së brendshme partiake. Përkundër këtyre argumenteve që disa nga këto parti sollën në Gjykatën Kushtetuese, Gjykata nuk e vlerësoi sistemin si antikushtetues.
Në përgjithësi, përgatitjet teknike për zgjedhjet janë kryer në mënyrë efikase, transparente, sipas afateve të përcaktuara dhe në mënyrë gjithëpërfshirëse nga Komisioni Qendror i Zgjedhjeve (KQZ). Megjithatë, disa palë të interesuara i perceptuan disa anëtarë të KQZ-së si të politizuar. Seancat e KQZ-së ishin të hapura për vëzhgues dhe u transmetuan drejtpërdrejt. Sfida e organizimit të votimit jashtë vendit ishte e rëndësishme dhe u vunë re disa probleme me dorëzimin e fletëvotimeve; megjithatë, procesi në përgjithësi u menaxhua mirë. Komisionet e nivelit të ulët e menaxhuan procesin në mënyrë efikase dhe transparente, pavarësisht nga disa ndërprerje të shkaktuara nga zëvendësimi i vonuar i anëtarëve të emëruar nga partitë politike, veçanërisht për anëtarët e qendrave të votimit në ditë para zgjedhjeve. KQZ-ja bëri një përpjekje për të përmirësuar aksesin në QV për personat me aftësi të kufizuara, por në ditën e zgjedhjeve vëzhguesit raportuan probleme aksesueshmërie në disa vende.
