Një seri manovrash janë përdorur nga Belinda Balluku, për të përfituar një vilë luksoze me pishinë në një...
AKTUALITET
Skandali i publikuar nga “Piranjat” për drejtorin e shkollës në Gjakovë, reagon Lëvizja VETËVENDOSJE
PiranjatPërditësimi i fundit 20 Maj 2026, 13:35
Pas publikimit të rastit nga emisioni investigativ “Piranjat”, ka reaguar edhe Lëvizja VETËVENDOSJE në Gjakovë, e cila përmes një komunikate ka shprehur shqetësimin lidhur me rastin e publikuar dhe ka kërkuar reagim institucional.
Në reagimin e saj, VV në Gjakovë ka kërkuar masa të menjëhershme ndaj drejtorit të Shkollës Fillore në Damjan, Nazmi Pnishi, duke theksuar se rasti duhet të trajtohet me prioritet dhe përgjegjësi të plotë nga institucionet përkatëse.
Gjithashtu, në komunikatë janë ngritur akuza politike ndaj drejtuesve të Komunës së Gjakovës dhe është kritikuar mungesa e një vendimi publik për shkarkimin e tij pas publikimit të rastit.
Reagimi
Komunikatë lidhur me rastin e publikuar mbrëmë nga emisioni investigativ "Piranjat"
Si Qendër e Lëvizjes VETËVENDOSJE! në Gjakovë, jemi thellësisht të tronditur dhe shqetësuar, nga rasti i publikuar mbrëmë në media, në të cilin u shpërfaqen akte të ulta e të turpshme, të drejtorit të Shkollës Fillore në Damjan të Gjakovës, Nazmi Pnishi, i cili shihet me fakte në zë e figurë, në veprime të turpshme pedofilie e tentim abuzimi me të mitur.
Drejtori Pnishi nuk është thjesht drejtor shkolle i cili merrte edhe dekorata si drejtori i muajit nga DKA-Gjakovë, por është person me lidhje të afërta shoqërore me zyrtarë të Komunës së Gjakovës dhe kryetarin Gjini, militant dhe person me lidhje të forta brenda Aak-së, lidhje të cilat i pretendon edhe vet në pamjet e publikuara nga emisioni investigativ.
Fakti që edhe në këto momente akoma nuk kemi vendim publik për shkarkimin e tij nga Komuna e Gjakovës, tregon se po të mos ndodhte publikimi i mbrëmshëm, aktet e këtij personi do mbuloheshin, vetëm e vetëm që të mos preken interesat e brendshme klienteliste e partiake.
Në anën tjetër, shpërfaqja e akteve të këtij individi, flet për degradimin në të cilin e ka lëshuar Gjakovën Ardian Gjini dhe pushteti i Aak-së, me individë të tillë të cilët nuk kanë asnjë pikë morali njerëzor e kredibiliteti profesional.
Shkarkimi dhe dënimi i këtij personi janë më e pakta që mund të ndodhë!
