Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Republika e thikës dhe dhunës
PiranjatPërditësimi i fundit 29 Janar 2026, 15:41
Në Shqipëri sherret me thika janë bërë tashmë kronika e ditës, pasi çdo ditë në qytete të ndryshme ka sherre të dhunshme, shpesh për motive të dobëta ose absurde.
Këto lajmë sa vijnë e bëhen më të shpeshta, ndërsa shteti pothuajse është indiferent ndaj këtij fenomeni.
Kjo sepse nuk ka asnjë masë parandaluese dhe asnjë plan për të garantuar sigurinë në vend.
Ndërkohë jo më larg se sot, në qytetin e Sarandës si pasojë e një sherri me thika ngelën të plagosur dy persona, sipas policisë sherri ka ndodhur për motive të dobëta.
Policia mbërriti në vendngjarje, por si në çdo rast policia kthehet në institucionin që thjesht njofton dhunën dhe plagosjet, pasi roli i saj në mbarëvajtjen e sigurisë është pothuajse inekzistent.
Por shqetësuese janë shifrat alarmante të plagosjeve me thikë, pasi vetëm para pak ditëve Durrësi u trondit nga një ngjarje e rëndë, ku babai goditi me thikë vajzën e tij dhe një person tjetër që u përpoq t’i ndante.
56-vjeçari Mikel Ndoj vetëm pak ditë pasi doli nga burgu u përfshi në një konflikt me vajzën e tij Xhesika Ndoj në lagjen nr.12 në Durrës, teksa kjo e fundit ishte duke punuar në një agjensi imobiliare. Pas një debati verbal, Mikel Ndoj goditi disa herë me thikë vajzën e tij.
Fenomeni ngre pikëpyetje serioze mbi nivelin e dhunës në shoqëri, mungesën e kontrollit dhe dështimin për të parandaluar përshkallëzimin e konflikteve, të cilat nga fjalët kalojnë lehtësisht në akte ekstreme.
Më herët janë konstatuar raste të përdorimit të thikave në shkolla, sherre të dhunshme që shpesh kanë përfunduar fatale.
Por ndërkohë që qeveria duhet të ishte në alert ndaj këtyre rasteve, ka zgjedhur heshtjen si tregues i paaftësisë për të vendosur sigurinë në vend dhe rregullat në shkolla. Piranjat po ashtu kanë denoncuar dhe mungesën e sigurisë në shkolla, kjo sepse dhe raporti i KLSH kishte konstatuar se 1 nga 3 shkolla ka mungesë të rojeve të sigurisë.
Parandalimi i sherreve të dhunshme me thika duhet të jetë sot problemi madhor në tryezën e atyre që qeverisin vendin, por siç duket këto ngjarje ende nuk kanë vëmendjen e duhur./Piranjat News
